Yo 7:19 - Sơ̆p Hlabơar Nơ̆r 'Bok Kei-Dei

¹⁹ Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 7:19 ပူးပေါင်းရင်းမြစ်များ

Mathiơ 12:14

Lu khŭl Pharisi noh lĕch đơ̆ng hnam akŭm noh năm pơđâu chă tơdrong wă kơ gơh rôp pơlôch Yêsu.

Mathiơ 21:38

Lăp lu bơngai jang mơng 'bôh kon 'bok tơ'ngla mir truh tơ lu sư, lu sư pơđâu dih băl khan: ‘Bơngai âu boih kon 'bok tơ'ngla mir âu, na dang ei bĕ bơ̆n pơlôch sư na mă mir âu jing mir bơ̆n.’

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 3:4

Yêsu khan kơ lu bơngai ei thoi âu: “Lăm năr pơdơh Sa'bat, kiơ̆ kơ tơdrong juăt bơ̆n athei pơm tơdrong 'lơ̆ng dah tơdrong kơnê̆, tơgŭm mơnat kon bơngai dah pơlôch bơngai?” Mă-lei lu đe ei thĕng, ưh kơ đei bu pơma tơwih kơ Sư.

Markôs 3:6

Lu đe ei khŭl Pharisi, lu sư lĕch hloi đơ̆ng hnam akŭm ei năm pơđâu tơ lu khŭl đe pơtao Hêrôt chă tơdrong wă kơ gơh rôp pơlôch Yêsu.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 10:39

Thoi noh lu bơngai Juđê wă rôp Sư ră, mă-lei Sư jăk hloi đơ̆ng anih noh.

Yo 11:53

Đơ̆ng năr 'noh boih lu sư chă đon wă pơlôch Yêsu.

Yo 5:16

Kơlih kơ tơdrong noh na lu bơngai Juđê wă pơm kơnê̆ kơ Yêsu, kơlih kơ Sư pơklaih đe jĭ lăm năr pơdơh Sa'bat.

Yo 5:18

Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Yo 5:45

“Iĕm khan iĕm lui kơ Môis bơtho, na 'Bok Kei-Dei wă pơklaih iĕm. Mă-lei iĕm ưh kơ lui tơpă ôh yua kơ Môis roi tơdrong Inh tơpă, mă-lei iĕm ưh kơ wă lui kơ Inh. Lăp 'Bă Inh sek tơlang ning-mônh Môis gô jô̆ iĕm bơngai kơchu na Inh huay kơ kăl jô̆ iĕm ôh.

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 7:25

Lăm lu kon pơlei pơla Jêrusalem đei bơngai mơ'nah khan: “Yêsu âu dah kiơ lu kră bơ̆n khan wă rôp pơlôch Sư ei?

Jang 7:38

Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Galati 6:13

Lu bơngai wă pơgŏ iĕm noh, sư kăt tơdra akar sư kơdih mơ̆n mă-lei sư ưh kơ kiơ̆ tơdrong juăt Môis tơpă ôh. Lu sư wă kơ iĕm kăt tơdra akar iĕm kơdih đĕch păng sư wă pơma pơang kơ đe khan sư bơtho lơ bơngai chu kăt tơdra akar tơpă.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Both 33:4

Tơdrong juăt mă Môis bơtho ăn kơ lu bơ̆n noh boih mŭk tơmam kơ adrĕch Jakôp.