Yo 6:66 - Sơ̆p Hlabơar Nơ̆r 'Bok Kei-Dei

⁶⁶ Đơ̆ng năr noh boih lơ bơngai achăng lê̆ Yêsu ưh pă kiơ̆ Sư dơ̆ng.

Yo 6:66 ပူးပေါင်းရင်းမြစ်များ

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Mathiơ 19:22

Lăp bơngai tơdăm ei kơtơ̆ng thoi noh sư sơ'ngon dêh yua kơ sư mơdrŏng tơpă. Đơ̆ng noh na sư brŏk hloi.

Luka 9:62

Na Yêsu khan kơ sư: “Bơngai bu wă rơuơ mir sư wă kơ tơpăt, sư 'noh ưh kơ hue-huo 'ma 'ngiĕo ôh. Na bơngai bu wă kiơ̆ Inh kư̆m athei adrin thoi noh mơ̆n. Tơ̆ng sư hue-huo 'ma 'ngiĕo lei sư ưh kơ trŏ kơ bơtho tơdrong 'Bok Kei-Dei pơgơ̆r kon bơngai ôh.”

Yo 2:2

Đe kư̆m wơ̆n Yêsu păng lu bơngai pơhrăm păng Sư năm mơ̆n.

Yo 6:60

Lăm lu bơngai mă kiơ̆ Sư đơ̆ng sơ̆ đei lơ 'nu kơtơ̆ng tơdrong Sư bơtho noh na khan: “Tơdrong Sư bơtho noh anat tơpă. Bu gơh pơm thoi noh?”

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Yo 7:3

na lu oh Yêsu khan kơ Sư: “Ih jăk đơ̆ng âu năm tơ dêh Juđê wă kơ lu bơngai lui kơ Ih tơ ei 'bôh tơdrong mơsêh mơyang Ih pơm.

Yo 8:31

Na Yêsu khan kơ lu bơngai Juđê mă lui kơ Sư boih: “Dah iĕm răk kiơ̆ tơdrong Inh bơtho khŏm khŏm, lei iĕm bơngai kiơ̆ Inh tơpă boih.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.