Yo 6:63 - Sơ̆p Hlabơar Nơ̆r 'Bok Kei-Dei

⁶³ “Dah jơhngơ̆m đon iĕm lui kiơ̆ tơdrong Inh, lei iĕm gô arih ling-lang. Dah iĕm kiơ̆ tơdrong akâu akar đĕch, lei ưh kơ đei yua kiơ ôh. Dôm nơ̆r Inh bơtho khan ăn kơ iĕm gah tơdrong sa sĕch akar Inh, Inh wă ră kơ jơhngơ̆m đon iĕm lui kiơ̆ kơ Inh na iĕm gô arih ling-lang; lei ră.

Yo 6:63 ပူးပေါင်းရင်းမြစ်များ

Bl 2:7

Kră Yang 'Bok Kei-Dei iŏk 'mui teh man kon bơngai dơhlu kial arih lăm trôm muh; na kon bơngai jing đei bơhngol arih.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 119:50

Nơ̆r Ih pơkă wă wei tơdrong arih inh. 'Nâu boih tơdrong mă pơlung inh lăm năr pơmat-tat.

Horiso 119:93

Inh ưh kơ đei layơ hiơt kơ nơ̆r Ih bơtho tơtă. Yua kơ đơ̆ng lu tơdrong noh na Ih ăn kơ inh đei arih.

Tơdrông Pơđơk 4:13

Rôp kơjăp bĕ tơdrong bơtho khan, 'nĕ kơ achăng lê̆; Bơwei sư, yua kơ noh boih tơdrong arih ih.

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Rom 10:17

Gah lu bơ̆n, bơ̆n lui boih, noh đơ̆ng đe năm bơtho tơdrong 'nao 'lơ̆ng Yêsu Krist na bơ̆n lui.

Rom 2:25

Lu iĕm bơngai Juđê kăt tơdra akar khan kăl tơpă wă tơbăt kơ đe iĕm kiơ̆ tơdrong juăt 'Bok Kei-Dei pơkă truh um. Trŏ mơ̆n dah iĕm kiơ̆ tơdrong juăt 'Bok Kei-Dei pơkă truh um, lei tơdrong iĕm kăt tơdra akar noh kư̆m kăl mơ̆n. Mă-lei iĕm ưh kơ kiơ̆ tơdrong 'Bok Kei-Dei tơpă ôh, thoi noh tơdrong iĕm kăt tơdra akar dang ưh kơ yua ôh.

Rom 8:2

Yua kơ bơ̆n lui kơ Yêsu Krist, na Yang Bơhngol 'Lơ̆ng ăn kơ bơ̆n tơdrong arih 'nao, bơ̆n jing klaih đơ̆ng tơdrong yoch, ưh pă hli kơ lôch dơ̆ng.

I Kor 15:45

Yua kơ thoi noh na lăm sơ̆p hla bơar 'Bok Kei-Dei đe đei chih boih thoi âu: “Bơngai kơ đĭ-đăng hơdrol sơ̆ jĭ 'bok Ađam, 'Bok Kei-Dei ăn kơ sư đei akâu đei jơhngơ̆m wă kơ gơh arih.” Na 'bok Ađam mă hơtuch âu, wă khan Yêsu Krist, Sư Yang wă anhăk đĭ-đăng kon bơngai oei hơdai hăm Sư arih ling-lang.

Galati 5:25

Yang Bơhngol 'Lơ̆ng ăn kơ bơ̆n jing kon 'Bok Kei-Dei, na bơ̆n kư̆m athei ăn kơ Sư pơgơ̆r bơ̆n khŏm khŏm mơ̆n.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Both 32:47

'Nâu ưh kơ sĭ nơ̆r pơma ngôi đĕch, mă-lei noh jơ̆ tơdrong arih lu iĕm; kơplah gơnang kơ nơ̆r 'nâu, na lu iĕm gô oei arih sot tơ kơpal teh đak mă lu iĕm gô iŏk mưh iĕm tŏk hlôi kơ đak Krong Jôrđăn.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

I Pet 1:23

Tơdrong bơ̆n tơpŭ ming 'nao ưh kơ sĭ đơ̆ng kon bơngai pơjing ôh, yua kơ kon bơngai nŏng kơ lôch; tơdrong tơpŭ ming 'nao đơ̆ng 'Bok Kei-Dei pơjing, 'Bok Kei-Dei ưh kơ layơ lôch. Sư pơjing bơ̆n jing bơngai 'nao yua kơ bơ̆n lui kơ nơ̆r Sư pơma, nơ̆r Sư ưh kơ layơ tơplih. Yua kơ nơ̆r Sư, na bơ̆n gơh arih ling-lang.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.