Yo 6:60 - Sơ̆p Hlabơar Nơ̆r 'Bok Kei-Dei

⁶⁰ Lăm lu bơngai mă kiơ̆ Sư đơ̆ng sơ̆ đei lơ 'nu kơtơ̆ng tơdrong Sư bơtho noh na khan: “Tơdrong Sư bơtho noh anat tơpă. Bu gơh pơm thoi noh?”

Yo 6:60 ပူးပေါင်းရင်းမြစ်များ

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Yo 2:2

Đe kư̆m wơ̆n Yêsu păng lu bơngai pơhrăm păng Sư năm mơ̆n.

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Yo 6:52

Kơlih kơ Yêsu pơma thoi noh na lu bơngai Juđê pơma pơjah pơjăng dih băl. Lu sư khan: “Lơliơ bơngai âu gơh ăn kơ bơ̆n sĕch akar Sư wă kơ bơ̆n sa?”

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.

Yo 6:66

Đơ̆ng năr noh boih lơ bơngai achăng lê̆ Yêsu ưh pă kiơ̆ Sư dơ̆ng.

Yo 7:3

na lu oh Yêsu khan kơ Sư: “Ih jăk đơ̆ng âu năm tơ dêh Juđê wă kơ lu bơngai lui kơ Ih tơ ei 'bôh tơdrong mơsêh mơyang Ih pơm.

Yo 8:31

Na Yêsu khan kơ lu bơngai Juđê mă lui kơ Sư boih: “Dah iĕm răk kiơ̆ tơdrong Inh bơtho khŏm khŏm, lei iĕm bơngai kiơ̆ Inh tơpă boih.

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?

Hêbrơ 5:11

Gah tơdrong 'bok 'noh inh 'maih roi tơblang kơ iĕm, mă inh gleh 'biơ̆ tơblang kơ iĕm, yua kơ iĕm ưh kơ gan hlôh.

II Pet 3:16

Dôm kơthơ sư chih sư kư̆m pơma gah tơdrong noh mơ̆n. Dôm tơdrong sư bơtho trŏ tơpă, 'bơ̆t phŏ kư̆m anat kơ hlôh. Lu bơngai kơtul, hăm bơngai lui rơdu, sư tơblang chroih tơ nai hloi. Mă dôm nơ̆r pơma lăm hla bơar 'Bok Kei-Dei nai, lu sư kư̆m ưh kơ gơh tơblang. Lu sư pơm thoi noh wă pơrăm akâu kơdih đĕch.