Yo 6:45 - Sơ̆p Hlabơar Nơ̆r 'Bok Kei-Dei

⁴⁵ Lu 'bok pơtruh nơ̆r 'Bok Kei-Dei chih lăm sơ̆p hla bơar lu sư sơ̆ thoi âu: ‘'Bok Kei-Dei gô bơtho đĭ-đăng bơngai.’ Inh khan kơ iĕm, bơngai bu mơ̆ng nơ̆r 'Bă Inh păng lui kơ nơ̆r Sư bơtho, lu bơngai 'noh gô truh tơ Inh.

Yo 6:45 ပူးပေါင်းရင်းမြစ်များ

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 17:5

Kơplah Pêtrôs oei pơma thoi noh 'bôh glĭp kơ hơmơ̆l kok rang hơdah jur gom lu sư. Păng đei nơ̆r 'Bok Kei-Dei pơma đơ̆ng lăm hơmơ̆l noh khan: “Sư âu Kon Inh mă 'mêm kơeng tơpă, Inh lăp đon kơ Sư dêh. Na iĕm ling-lang athei chu yom kơ Sư.”

Markôs 1:2

Êsai, bơngai pơtruh nơ̆r 'Bok Kei-Dei sơ̆, sư khan lê̆ hơdrol, na chih lăm sơ̆p hla bơar sư thoi âu: 'Bok Kei-Dei khan: “Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.”

Luka 1:70

'Bok Kei-Dei ăn kơ lu bơngai pơtruh nơ̆r Sư sơ̆ kư̆m khan thoi noh mơ̆n.

Luka 18:31

Yêsu anhăk mơjĭt-'bar 'nu bơngai pơhrăm păng Sư weh ataih 'biơ̆ kơ đe na Sư khan kơ lu bơngai pơhrăm păng Sư: “Iĕm mơ̆ng bĕ. Dang ei bơ̆n oei năm tơ Pơlei Jêrusalem. Tơ ei kơnh đe gô pơm kơnê̆ kơ Inh, na 'blep tôm tơdrong lu bơngai pơtruh nơ̆r 'Bok Kei-Dei sơ̆, lu sư chih khan lê̆ hơdrol gah tơdrong Inh Kon Bơngai.

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 6:65

Yêsu wih khan kơ lu sư dơ̆ng: “Iĕm ưh kơ lui kơ Inh, noh kư̆m thoi Inh khan kơ lu iĕm hei: Ưh kơ đei bu gơh truh tơ Inh, dah 'Bă Inh ưh kơ ăn.”

Jang 13:40

Na iĕm kơchăng bĕ, hli kơ nơ̆r bơngai khan lê̆ hơdrol gô 'blep kơ iĕm tơpă. Sư khan thoi âu sơ̆:

Jang 7:42

“Thoi noh na 'Bok Kei-Dei ưh pă wă kơ lu sư dơ̆ng ôh. 'Bok Kei-Dei ăn kơ lu sư kơkuh kơ măt 'năr, măt khei păng lu sơnglŏng tơ plĕnh ti đĕch. 'Noh thoi lu 'bok pơtruh nơ̆r 'Bok Kei-Dei khan: ‘Ơ lu đe Isơrael, iĕm ưh kơ sơmah kơ Inh Kră Yang iĕm 'Bok Kei-Dei kơplah iĕm oei puăn-jĭt sơnăm tơ char glă sơ̆.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Philip 3:15

Thoi noh na dôm lu bơ̆n mă lui kơjăp boih bơ̆n athei tơchĕng kơ tơdrong 'noh ling-lang. Tơ̆ng iĕm tơchĕng phara kơ tơdrong 'noh, 'Bok Kei-Dei Sư tơ'bôh hloi kơ iĕm tơdrong 'noh, wă kơ iĕm kiơ̆ 'blep thoi tơdrong Sư.

I Tes 4:9

Gah tơdrong 'mêm mơnat tơduă bôl bơngai lui nhôn huay kơ kăl chih roi kơ iĕm ôh, yua kơ 'Bok Kei-Dei bơtho iĕm boih tơdrong 'mêm mơnat dih băl 'noh.

Hêbrơ 10:16

“Ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm jơhngơ̆m lu sư, Inh wă chih tơ'băk tơdrong juăt Inh tơ lăm đon tơchĕng lu sư. Tơdrong noh boih Kră Yang khan.”

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.