Yo 6:39 - Sơ̆p Hlabơar Nơ̆r 'Bok Kei-Dei

³⁹ 'Bă Inh mă wơh Inh Sư wă kơ Inh huay kơ tơhiong dôm lu bơngai mă Sư pơjao ăn kơ Inh. Na truh năr tôch ning-mônh Inh gô tơiung arih lu sư.

Yo 6:39 ပူးပေါင်းရင်းမြစ်များ

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Mathiơ 10:15

Inh khan kơ iĕm tơpă, truh năr 'Bok Kei-Dei wă sek tơlang ning-mônh Sư gô phak kon pơlei Sôđôm păng kon pơlei Gômôrơ hơiơch 'biơ̆ kơ pơlei mă ưh kơ sơng iŏk iĕm, mă khan 'bar tŏ pơlei noh pơm kơnê̆ dêh ră sơ̆.

Mathiơ 18:14

Mă 'Bă bơ̆n tơ plĕnh ti kư̆m thoi noh mơ̆n, Sư ưh kơ wă kơ minh 'nu bơngai 'lơ̆p thoi âu hiong răm.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 17:12

Kơplah Inh oei hơdai lu sư, Inh yua mơsêh mơyang đơ̆ng Ih pơjao kơ Inh, na Inh wei-lăng lu sư kơjăp. Inh wei-lăng lu sư, lăm lu sư ưh kơ đei bu hiong ôh; lăp minh 'nu bơngai đĕch hiong. Mă-lei trŏ kơ sư wă hiong 'mơ̆i kơlih kơ 'blep trŏ thoi đe chih khan lê̆ hơdrol lăm sơ̆p hla bơar Ih.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.

Yo 17:6

“Inh roi tơbăt tôm tơdrong Ih kơ lu bơngai ala teh mă Ih pơjao ăn kơ Inh boih. Lu sư bơngai Ih, mă Ih pơjao ăn kơ Inh. Lu sư răk dôm nơ̆r Ih.

Yo 17:9

“Inh krao khan kơ Ih apinh Ih tơgŭm mơnat kơ lu sư. Dang ei Inh ưh kơ krao khan apinh Ih, wă kơ Ih tơgŭm đĭ-đăng bơngai ala teh ôh. Inh krao khan kơ Ih wă kơ Ih tơgŭm lu bơngai mă Ih pơjao ăn kơ Inh, yua kơ lu sư bơngai Ih.

Yo 18:9

Yêsu khan tơdrong noh 'blep tơdrong đơ̆ng Sư khan lê̆ hơdrol kơ 'Bă Sư hei thoi âu: “Lăm lu bơngai đêl Ih ăn kơ Inh ưh kơ đei bu hiong ôh.”

Yo 5:28

Na Inh bơtho iĕm thoi noh, iĕm 'nĕ tơchĕng hlĭch kơ đon. Ning-mônh đĭ-đăng lu bơngai lôch oei lăm bơsat kơtơ̆ng 'bơ̆r Inh krao sư,

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 6:44

'Bă Inh athei Inh truh tơ âu, na ưh kơ đei bu truh tơ Inh ôh, dah 'Bă Inh ưh kơ ăn lu sư truh. Bơngai bu mă 'Bă Inh ăn truh tơ Inh, lu bơngai 'noh đĕch truh tơ Inh, na Inh gô tơiung arih lu sư năr tôch ning-mônh.

Yo 6:54

Bơngai bu sa sĕch akar Inh păng huch sa pham Inh, bơngai 'noh Inh gô tơiung arih sư ning-mônh na sư gô đei arih ling-lang.

Rom 8:11

Sơ̆ 'Bok Kei-Dei yua Yang Bơhngol 'Lơ̆ng Sư tơiung arih Yêsu đơ̆ng lôch. Dah Yang Bơhngol 'Lơ̆ng oei lăm bơ̆n, lei ning-mônh 'Bok Kei-Dei kư̆m yua Yang Bơhngol 'Lơ̆ng Sư tơiung arih bơ̆n đơ̆ng lôch mơ̆n.

I Kor 6:14

'Bok Kei-Dei tơiung arih Yŏng bơ̆n đơ̆ng lôch, na Sư kư̆m wă tơiung arih akâu bơ̆n hăm tơdrong mơsêh Sư mơ̆n.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Ya 5:15

Yua kơ lu sư krao khan gơnang kơ Kră Yang tơpă, na Kră Yang gô pơklaih tơdrong jĭ jăn bơngai noh ăn kơ sư 'lơ̆ng akâu dang đêl; mă sư pơm yoch 'Bok Kei-Dei kư̆m mơnat pơklaih yoch sư mơ̆n.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.