Yo 6:36 - Sơ̆p Hlabơar Nơ̆r 'Bok Kei-Dei

³⁶ Kư̆m thoi Inh đei khan kơ iĕm boih: Iĕm 'bôh Inh boih mă-lei iĕm ưh kơ wă lui kơ Inh.

Yo 6:36 ပူးပေါင်းရင်းမြစ်များ

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Yo 12:37

Yêsu pơm lơ tơdrong mơsêh mơyang 'bơ̆t anăp lu sư ră, mă-lei lu sư ưh kơ lui kơ Sư.

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Yo 6:30

Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?

Yo 6:37

Đĭ-đăng dôm lu bơngai mă 'Bă Inh ăn kơ Inh, lu sư gô lui kơ Inh. Păng bơngai bu lui kơ Inh, Inh ưh kơ tŭk sư ôh.

Yo 6:40

'Bă Inh wă thoi âu: Ăn dôm lu bơngai mă 'bôh Inh Kon Sư na lui hloi kơ Inh, lu sư gô đei arih ling-lang. Inh tơiung arih lu sư năr tôch ning-mônh.”

Yo 6:64

Mă-lei lăm lu iĕm mơ'nah ưh kơ wă lui kơ Inh.” Yêsu băt hơdrol tơpă; lu bơngai ayơ mă ưh kơ wă lui kơ Sư, Sư băt mơ̆n; bơngai ayơ wă plơ̆ plĕch kơ Sư, Sư kư̆m băt mơ̆n.