Yo 6:32 - Sơ̆p Hlabơar Nơ̆r 'Bok Kei-Dei

³² Yêsu khan tơwih kơ lu sư: “Inh khan tơpăt wă kơ iĕm hlôh: Tơmam sa đơ̆ng plĕnh noh sơ̆ ưh kơ trŏ kơ Môis ôh ăn. 'Bă Inh ăn tơmam sa noh sơ̆. Păng 'Bă Inh ăn kơ iĕm tơmam sa, mă tơmam sa ei pha, tơmam sa ei kăl hloh tơpă gơh arih kon bơngai ling-lang,

Yo 6:32 ပူးပေါင်းရင်းမြစ်များ

Horiso 78:23

Mă-lei ră, Sư kư̆m athei lu tăl plĕnh tơ kơpal ti, Păng Sư pơih 'măng plĕnh,

Le 16:4

Kră Yang khan kơ Môis: Inh gô ăn 'bĕng đơ̆ng plĕnh jur thoi 'mi kơ lu iĕm. Kon pơlei gô năm rim năr dônh, dônh tôm mah sa kơ năr 'noh, Inh wă pơlong lăng lu sư hăm đei pơm kiơ̆ thoi Inh athei dah ưh.

Le 16:8

Môis khan dơ̆ng: Lu iĕm gô 'bôh Kră Yang ăn 'nhĕm sa kơsơ̆ 'nâu, 'bĕng sa pơgê dơning, yua kơ Kră Yang kơtơ̆ng boih nơ̆r lu iĕm hil jŏk kơ Sư. Lu nhôn âu bu? Dôm nơ̆r lu iĕm hil jŏk ưh kơ trŏ kơ hil jŏk kơ lu nhôn ôh, mă tơpă noh iĕm hil jŏk kơ Kră Yang.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 15:1

Yêsu bơtho dơ̆ng thoi âu: “Inh âu boih thoi lĕ tơm 'long hơmu, na 'Bă Inh thoi lĕ bơngai pơtăm.

Yo 6:31

Môis pơm ăn kơ yă 'bok bơ̆n 'bĕng mana tơ char glă sơ̆, đŏk kiơ̆ thoi đei chih boih thoi âu: ‘Sư ăn kơ lu sư tơmam sa đơ̆ng plĕnh, wă 'me lu sư.’ ”

Yo 6:33

kơlih kơ tơmam sa đơ̆ng 'Bok Kei-Dei ei na gơh jur đơ̆ng plĕnh wă ăn kon bơngai jơ̆p kơ teh arih.”

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Yo 6:41

Lu bơngai Juđê pơma tơduă lu sư bơbrơ̆k bơbrăk hil kơ Yêsu kơlih kơ Yêsu khan: “Inh boih tơmam sa mă jur đơ̆ng plĕnh.”

Yo 6:50

Mă-lei âu tơmam sa jur đơ̆ng plĕnh mơ̆n. Dah bơngai bu sa tơmam sa âu sư huay kơ lôch hiong ôh.

Yo 6:55

Inh wă khan kơ iĕm dơ̆ng, sĕch akar Inh tơmam sa kon bơngai tơpă; pham Inh kư̆m đak nhă kon bơngai tơpă.

Yo 6:58

Tơmam sa âu boih jur đơ̆ng plĕnh, ưh kơ thoi tơmam sa mana mă yă 'bok iĕm sa mă lôch sơ̆ ôh. Tơmam sa âu bơngai bu sa sư gô arih ling-lang.”

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.