Yo 6:30 - Sơ̆p Hlabơar Nơ̆r 'Bok Kei-Dei

³⁰ Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?

Yo 6:30 ပူးပေါင်းရင်းမြစ်များ

I Pot 13:3

Lăm năr noh, 'bok khan lê̆ adrol tơ'bôh minh tơdrong hlĭch, khan: “'Nâu tơdrong tơ'bôh hlĭch mă Kră Yang đei khan bơih: Chơnang soi gô pơchah tơnuh gô tơsĭ huŏng đĭ tơ teh.”

I Pot 13:5

Chơnang soi pơchah hloi păng tơnuh tơsĭ tơ teh, 'blep thoi tơdrong đei tơ'bôh hlĭch đơ̆ng bơngai mă Kră Yang 'Bok Kei-Dei yua ei chu nơ̆r Kră Yang bơtho khan.

Le 4:8

Kră Yang khan dơ̆ng: Tơdah layơ kon pơlei 'noh ưh kơ lui kơ ih păng ưh kơ chu kiơ̆ nơ̆r tơdra mă blŭng-a, lei sư gô lui kiơ̆ nơ̆r tơdra mă 'bar.

Le 7:9

Tơdah Pharaôn athei măr iĕm pơm tơdrong mơsêh iĕm; ih athei khan kơ Arôn: 'Nhŏng ih athei iŏk 'long jra, klơ̆m 'bơ̆t anăp Pharaôn, 'long jra 'noh gô jing minh dăng 'bih.

Êsai 5:19

Lu sư khan: “Apinh Ih jah pơm pơkeh tơdrong jang Ih, wă kơ lu nhôn 'bôh! Apinh tơdrong tơdă đơ̆ng Yang 'Lơ̆ng Rơgoh Isơrael jah truh, jing keh. Wă kơ lu nhôn băt.”

Markôs 15:32

Thoi Sư khan Sư 'Bok Krist Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.” 'Bar 'nu bơngai mă đe pơ̆ng hơdai Yêsu kư̆m hơdai pơjăm Sư mơ̆n.

Markôs 8:11

Lu bơngai Pharisi năm tơ ei pơjah pơjăng hăm Yêsu. Lu sư apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă lu sư wă pơlong Yêsu hăm gơh pơm dah ưh.

Yo 10:38

Iĕm kuă kơ lui kơ nơ̆r Inh bơtho, mă-lei iĕm athei lui kơ dôm tơdrong mơsêh mơyang Inh pơm krô hmă noh hŏ, yua kơ đơ̆ng 'Bă Inh tơpă. Dah iĕm lui iĕm gô băt tơpă 'Bă Inh oei lăm Inh, nhi 'Bă Inh minh jơhngơ̆m minh đon.”

Yo 12:37

Yêsu pơm lơ tơdrong mơsêh mơyang 'bơ̆t anăp lu sư ră, mă-lei lu sư ưh kơ lui kơ Sư.

Yo 2:18

Lu bơngai Juđê khan kơ Yêsu: “Ih pơm kơ nhôn mơsêh mơyang Ih bĕ, lei na nhôn lui kơ 'Bok Kei-Dei Sư ăn kơ Ih pơpuh lu đe âu đơ̆ng hnam akŭm âu.”

Yo 4:8

Lu bơngai pơhrăm păng Sư kơplah noh ưh pă tơ noh boih, lu sư đĭ năm răt tơmam sa tơ pơlei đe.

Yo 6:14

Thoi noh na dôm lu bơngai tơpôl ei 'bôh Yêsu pơm tơdrong mơsêh mơyang Sư thoi noh na lu sư khan: “'Bok âu boih 'Bok mă bơ̆n chang gô đơ̆ng sơ̆ khan gô truh tơ ala teh âu wă pơtruh nơ̆r 'Bok Kei-Dei.”

Yo 6:2

Đei lơ bơngai tơpôl lơ kiơ̆ Sư kơlih kơ lu sư 'bôh tơdrong mơsêh mơyang Yêsu ming pơklaih lu bơngai jĭ jăn.

Yo 6:36

Kư̆m thoi Inh đei khan kơ iĕm boih: Iĕm 'bôh Inh boih mă-lei iĕm ưh kơ wă lui kơ Inh.

Jang 4:30

Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

I Kor 1:22

Khŭl bơngai Juđê, lu sư wă kơ 'bôh tơdrong mơsêh 'mơ̆i na lui; gah khŭl bơngai Grĕk, lu sư lui kiơ̆ kơ đe bơtho hơgei đĕch.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.