Yo 5:45 - Sơ̆p Hlabơar Nơ̆r 'Bok Kei-Dei

⁴⁵ “Iĕm khan iĕm lui kơ Môis bơtho, na 'Bok Kei-Dei wă pơklaih iĕm. Mă-lei iĕm ưh kơ lui tơpă ôh yua kơ Môis roi tơdrong Inh tơpă, mă-lei iĕm ưh kơ wă lui kơ Inh. Lăp 'Bă Inh sek tơlang ning-mônh Môis gô jô̆ iĕm bơngai kơchu na Inh huay kơ kăl jô̆ iĕm ôh.

Yo 5:45 ပူးပေါင်းရင်းမြစ်များ

Luka 16:29

Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Yo 12:48

Bơngai bu ưh kơ lui kơ Inh, 'Bok Kei-Dei gô phak sư năr tôch ning-mônh, yua kơ sư ưh kơ răk dôm nơ̆r Inh bơtho.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 8:9

Lu sư kơtơ̆ng Yêsu khan kơ lu sư thoi noh, na lu sư lĕch brŏk pơtoi, đơ̆ng lu kră hơdrol truh tơ lu bơngai tơdăm đơ̆ng rŏng. Na oei pă Yêsu păng duch ei đĕch oei lăm ei.

Rom 2:12

Lu bơngai khŭl nai, lu sư ưh kơ băt kơ tơdrong juăt 'Bok Kei-Dei pơkă kơ lu bơngai Juđê sơ̆, na lu sư oei pơm yoch khŏm khŏm, ning-mônh 'Bok Kei-Dei kư̆m phak lu sư mơ̆n. Lu bơngai Juđê băt ră kơ tơdrong juăt 'Bok Kei-Dei pơkă noh, mă-lei lu sư oei pơm yoch, ning-mônh 'Bok Kei-Dei kư̆m phak lu sư mơ̆n, yua kơ lu sư ưh kơ kiơ̆ tơdrong Sư pơkă.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”