Yo 5:43 - Sơ̆p Hlabơar Nơ̆r 'Bok Kei-Dei

⁴³ 'Bă Inh 'Bok Kei-Dei wơh Inh jur tơ ala teh âu, mă-lei iĕm ưh kơ wă sơng iŏk Inh ôh. Na bơngai nai năm kơdih sư, noh iĕm tơkan sơng iŏk sư hloi.

Yo 5:43 ပူးပေါင်းရင်းမြစ်များ

Êsêkiên 23:21

Sư 'blŏk rŏ kơ oei ngôi kư̆ kă thoi kơplah sư oei adruh mơlôh lăm char Êyiptơ. Đe ngôi pơyô kư̆ kă hăm sư păng chơpĕt toh sư oei adruh mơlôh.

Mathiơ 24:24

yua kơ năr noh kơnh đei lơ bơngai pơm Krist, đei lơ bơngai khan sư bơngai pơtruh nơ̆r 'Bok Kei-Dei. Lu sư kư̆m gơh pơm tơdrong mơsêh wă kơ lu bơngai mă 'Bok Kei-Dei rơih boih lui kơ lu sư pơhlŭ.

Mathiơ 24:5

Ning-mônh gô đei lơ bơngai truh na lu sư anăn măt Inh khan sư kơdih 'Bok Krist. Đei lơ bơngai lui kơ sư pơhlŭ.

Yo 10:25

Yêsu khan kơ lu sư thoi âu: “Inh khan kơ iĕm boih mă iĕm ưh kơ wă lui. Dôm tơdrong mơsêh mơyang 'Bă Inh ăn kơ Inh pơm tơ'bôh ăn kơ iĕm ră wă kơ iĕm băt kơ Inh âu 'Bok Krist.

Yo 12:28

Ơ 'Bă, Inh wă kơ Ih pơư pơang anăn Ih bĕ.” Na đei hloi 'bơ̆r tơl đơ̆ng plĕnh ti khan thoi âu: “Inh pơư pơang anăn Inh boih păng Inh gô pơư pơang anăn Inh dơ̆ng.”

Yo 3:16

'Bok Kei-Dei 'mêm mơnat tơpă rim 'nu bơngai jơ̆p ala teh âu na Sư mah ăn Kon pôm Sư lôch tang kon bơngai. Bơngai bu lui kơ Kon Sư huay kơ lôch hiong ôh. Bơngai 'noh sư gô oei hơdai hăm 'Bok Kei-Dei arih ling-lang.

Yo 5:42

Mă-lei gah iĕm, Inh băt lăm to iĕm ưh kơ wă 'mêm kơ 'Bok Kei-Dei tơpă.

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Jang 21:38

Inh ngêh kơ ih bơngai Êyiptơ chă pơhlŭ đe iung tơblah lu kră pơgơ̆r sơ̆, anhăk puăn-rơbâu 'nu bơngai kơnê̆ tơ char glă.”