Yo 5:34 - Sơ̆p Hlabơar Nơ̆r 'Bok Kei-Dei

³⁴ Mă-lei Inh ưh kơ kăl kon bơngai pơma bơ̆ng Inh ôh. Inh khan kơ iĕm thoi âu: Yôhan bơtho tơpăt, wă kơ iĕm lui kơ nơ̆r Sư bơtho, na 'Bok Kei-Dei pơklaih yoch iĕm.

Yo 5:34 ပူးပေါင်းရင်းမြစ်များ

Luka 13:34

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 5:32

Mă-lei đei minh 'nu nai pơma bơ̆ng Inh tơpă păng Inh kư̆m băt kơ Sư pơma tơpăt tơpă tơdrong Inh.

Yo 5:41

“Inh ưh kơ wă kon bơngai ang Inh hơgei ôh, Inh wă kơ 'Bă Inh đĕch lăp đon kơ Inh.

Yo 8:54

Yêsu khan kơ lu sư: “Dah Inh pơma pơang kơdih akâu đĕch trŏ mơ̆n iĕm ưh kơ lui kơ Inh. Mă-lei pôm 'Bă Inh đĕch pơang akâu Inh. 'Bă Inh noh iĕm khan Sư Kră Yang iĕm,

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

Rom 10:21

Gah lu bơngai Isơrael 'Bok Kei-Dei khan: “Inh oei chang gô lu bơngai Isơrael ling-lang wă kơ lu sư jah wih tơ Inh, mă-lei lu sư oei arăng kơ̆l ưh kơ wă wih ôh.”

Rom 12:21

Thoi noh na bơ̆n 'nĕ pơm tơwih kơ sư tơdrong kơnê̆; bơ̆n pơm 'lơ̆ng kơ sư đĕch wih jei bơ̆n.

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

I Kor 9:22

Kơplah inh chă bơtho kơ lu bơngai ưh kơ gan hlôh tôm tơdrong 'Bok Kei-Dei, inh kư̆m pơm thoi sư mơ̆n wă kơ pơlung sư lui kơjăp. Inh druh kiơ̆ rim đon kon bơngai wă kơ gơh pơlung lu sư lui kơ Yêsu Krist na klaih đơ̆ng dôm tơdrong yoch.

I Tim 4:16

Ih athei kơchăng gah akâu ih kơdih păng gah tơdrong ih bơtho mơ̆n. Ih kư̆ kơ adrin pơm khŏm khŏm kiơ̆ thoi inh pơkă na ih gô klaih đơ̆ng tơdrong yoch păng lu bơngai mơ̆ng ih kư̆m klaih mơ̆n.

I Yo 5:9

Thoi bơ̆n lui kơ buăl bơ̆n bơngai mă pơma tơpăt ling-lang, sư roi kơ bơ̆n na bơ̆n lui kơ sư roi, thoi noh bơ̆n athei lui kơ 'Bok Kei-Dei mă loi yua kơ Sư pơma tơpăt ngăl. Na pêng tơdrong 'noh hei đơ̆ng 'Bok Kei-Dei Sư roi tơbăt ăn kơ bơ̆n Yêsu Kon Sư tơpă.