Yo 5:18 - Sơ̆p Hlabơar Nơ̆r 'Bok Kei-Dei

¹⁸ Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Yo 5:18 ပူးပေါင်းရင်းမြစ်များ

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 12:5

“Bĭ iĕm tam biơh đŏk lăng tơdrong juăt 'Bok Kei-Dei ôh hă? Rim năr pơdơh Sa'bat lu 'bok soi kư̆m pơm ưh kơ trŏ kơ tơdrong juăt thoi iĕm khan 'noh mơ̆n. Rim năr pơdơh Sa'bat lu sư jang tơdrong 'Bok Kei-Dei tơ lăm hnam akŭm tơm. Mă-lei, mă đe 'bôh, ưh kơ đei bu khă khan kơ̆m ôh, yua kơ trŏ kơ tơdrong jang lu sư.

Yo 1:19

Bơngai Juđê wơh lu 'bok soi păng lu bơngai Lêwi mă jang lăm hnam akŭm 'Bok Kei-Dei tơm năm đơ̆ng Pơlei Jêrusalem tơ Pơlei Bethani pah to krong Jôrđăn wă jet lăng Yôhan. Chă Yôhan 'bôh boih na jet thoi âu: “Ih bu mă tơpă?”

Yo 10:30

Nhi 'Bă Inh dang minh 'nu akâu đĕch.”

Yo 10:33

Lu bơngai Juđê khan: “Nhôn ưh kơ klơ̆m Ih ôh gah tơdrong pơm 'lơ̆ng, mă-lei nhôn wă klơ̆m păng tơmo yua kơ Ih pơma tih kơ 'Bok Kei-Dei. Ih kon bơngai đĕch, mă Ih khan Ih atŏ păng 'Bok Kei-Dei.”

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

Yo 14:9

Yêsu khan: “Ơ Philip, Inh oei păng lu iĕm đunh boih, lơliơ ih tam băt kơ Inh. Bơngai bu 'bôh Inh boih, bơngai 'noh dang 'bôh 'Bă Inh mơ̆n. Na lơliơ ih khan: ‘Tơ'bôh kơ nhôn 'Bă Ih bĕ, dôm noh boih nhôn wă’?

Yo 19:7

Lu Juđê drơ̆ng khan: “Nhôn đei tơdrong juăt, kiơ̆ thoi tơdrong juăt 'noh athei pơlôch Sư kơlih kơ Sư khan Sư Yang, Kon 'Bok Kei-Dei.”

Yo 5:15

Bơngai 'nao klaih kơ jĭ ei năm khan kơ đe Juđê Yêsu pơklaih sư.

Yo 5:16

Kơlih kơ tơdrong noh na lu bơngai Juđê wă pơm kơnê̆ kơ Yêsu, kơlih kơ Sư pơklaih đe jĭ lăm năr pơdơh Sa'bat.

Yo 5:17

Yêsu khan kơ lu bơngai Juđê ei thoi âu: “'Bă Inh oei jang ling-lang truh dang ei ưh kơ đei pơdơh na Inh athei jang lei-lăi thoi Sư mơ̆n.”

Yo 5:23

wă kơ đĭ-đăng bơngai lui yom kơ Kon Sư kư̆m thoi lu sư lui yom kơ 'Bă Sư. Bơngai bu ưh kơ lui yom kơ Kon Sư, bơngai 'noh kư̆m dang sư ưh kơ lui yom kơ 'Bă Sư, yua kơ Kon Sư đơ̆ng 'Bă Sư wơh.

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 7:19

Hăm trŏ kơ Môis ată ăn kơ iĕm tơdrong juăt, mă-lei lăm lu iĕm ưh kơ đei bu răk tơdrong juăt noh? Na iĕm khan Inh ưh kơ răk tơdrong juăt Môis, na iĕm khan wă pơlôch Inh. Kơlih kơ kiơ iĕm wă pơlôch Inh noh?”

Yo 8:54

Yêsu khan kơ lu sư: “Dah Inh pơma pơang kơdih akâu đĕch trŏ mơ̆n iĕm ưh kơ lui kơ Inh. Mă-lei pôm 'Bă Inh đĕch pơang akâu Inh. 'Bă Inh noh iĕm khan Sư Kră Yang iĕm,

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Philip 2:6

Sư Kră Yang atŏ hăm 'Bok Kei-Dei, mă-lei Sư ưh kơ 'mêm ôh tơdrong Sư atŏ hăm 'Bok Kei-Dei noh.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:3

Tôm tơdrong kiơ 'Bok Kei-Dei jô̆ khan kơnê̆ ưh kơ 'bôh lăm pơlei noh. Pôm 'Bok Kei-Dei hăm Kon Triu đĕch oei hơdai hăm kon pơlei pơla lăm noh. Lu đĭch đam Sư gô kơkuh kơ Sư tơ noh.