Yo 4:46 - Sơ̆p Hlabơar Nơ̆r 'Bok Kei-Dei

⁴⁶ Yêsu năm tơ Pơlei Kanna lăm dêh Galilê dơ̆ng, pơlei mă đêl Yêsu tơlĕch mơsêh mơyang Sư pơm kơ đak 'blăng jing đak sik hơmu. Na tơ Pơlei Kapernum đei minh 'nu bơngai pơm 'bok kuan, sư bơ̆jang iĕ 'biơ̆ kơ 'bok pơtao. Na kơplah noh kon sư jĭ dêh.

Yo 4:46 ပူးပေါင်းရင်းမြစ်များ

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 9:18

Kơplah Yêsu oei pơma tơdrong 'noh, na blư 'bôh minh 'nu kră wei-lăng hnam akŭm đe Juđê sơtơ̆p kŭl-tăng kơkuh păng khan: “Kon adruh inh 'nao lôch, inh apinh Ih năm chro ti pel akâu sư wă kơ sư iung arih dơ̆ng.”

Luka 4:23

Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Luka 7:2

Tơ pơlei ei đei minh 'nu 'bok tih linh, sư bơngai Rôm, đei minh 'nu đĭch sư kơeng bơlŏ wă lôch dĕng dĕng.

Luka 8:42

yua kơ kon pôm adruh sư bơlŏ dêh. Kơplah Yêsu oei yak năm tơ hnam sư 'nei, đei lơ bơngai yak hơdai Sư hmĕt hmot Sư.

Yo 2:12

Đơ̆ng noh mĕ Sư păng lu bơngai pơhrăm păng Sư, yak hơdai Sư đơ̆ng noh năm tơ Pơlei Kapernum. Lu sư oei tơ Pơlei Kapernum noh ưh kơ đunh mơ̆n.

Yo 21:2

Pêtrôs, Thôm mă đe anăn sư Kon Kơmar, Nathanel đơ̆ng Pơlei Kanna dêh Galilê păng 'bar 'nu kon Sêbêđê păng 'bar 'nu bơngai pơhrăm buăl sư, lu sư akŭm pơđâu tơduă lu sư.

Jôsuê 19:28

Gah pơlei Adôn, Rêhôp, Hammôn păng Kana, truh tơ pơlei tih Siđôn.