Yo 4:45 - Sơ̆p Hlabơar Nơ̆r 'Bok Kei-Dei

⁴⁵ Lăp Yêsu truh tơ dêh Galilê na lu bơngai Galilê sơng iŏk Sư. Lu sư băt kơ Yêsu kơlih kơ đêl lu sư năm tơ Pơlei Jêrusalem lăm năr đe pơm giĕng, na lu sư 'bôh tôm tơdrong Yêsu pơm tơ'bôh ăn mơsêh mơyang Sư tơ pơlei ei.

Yo 4:45 ပူးပေါင်းရင်းမြစ်များ

Luka 13:1

Kơplah ei đei lu bơngai năm tơ noh roi kơ Yêsu tơdrong Pilat pơlôch lu bơngai Galilê kơplah lu sư oei sơmah kơ 'Bok Kei-Dei.

Luka 8:40

Yêsu tŏk tơ thŏng-nan tŏk găn brŏk tơ pah âu dơ̆ng. Đei lơ bơngai răp gô Sư.

Luka 9:53

Lăp Yêsu truh tơ pơlei ei lu kon pơlei pơla ưh kơ ăn Yêsu oei tơ pơlei sư. Lu sư hil yua kơ lu sư băt kơ Yêsu wă năm tơ Pơlei Jêrusalem.

Yo 2:23

Kơplah Yêsu oei tơ Pơlei Jêrusalem lăm năr đe pơm Giĕng Năm Brih, na Sư tơ'bôh kơ đe tơdrong mơsêh mơyang Sư. Na đei lơ bơngai lui kơ Sư.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

Yo 4:54

Tơdrong mơsêh mơyang âu Yêsu tơ'bôh 'bơ̆t Sư năm đơ̆ng dêh Juđê 'nao truh tơ dêh Galilê kư̆m thoi tơdrong mơsêh Sư pơm sik hơdrol ki, Sư kư̆m tơ'bôh kơ đe 'bơ̆t Sư năm đơ̆ng dêh Juđê 'nao truh tơ dêh Galilê mơ̆n.

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.