Yo 4:29 - Sơ̆p Hlabơar Nơ̆r 'Bok Kei-Dei

²⁹ “Bĕ bơ̆n năm lăng bĕ. Bơngai ei hlĭch dêh roi 'blep dôm tơdrong inh pơm tơpă. Na iĕm tơchĕng bơngai 'noh hăm trŏ kơ 'Bok Krist tơpă dah ưh?”

Yo 4:29 ပူးပေါင်းရင်းမြစ်များ

Mathiơ 12:23

Lu bơngai tơpôl lăng hlĭch na chă tơkhan dih băl: “Băt 'Bok âu boih kơlĕ, đe khan Sư Kon Sâu 'bok pơtao Đawit đơ̆ng 'Bok Kei-Dei ăn pơm pơtao bơ̆n?”

Yo 4:25

Duch ei khan kơ Yêsu: “Inh băt kơ 'Bok Mêsi mă đe anăn 'Bok Krist Sư gô truh wă pơgơ̆r kon bơngai, mưh Sư truh boih Sư roi ăn kơ nhôn tôm tơdrong.”

Yo 4:28

Na duch ei 'măn lê̆ ge đak sư 'bơ̆t ei, na kơdâu wih tơ pơlei roi kơ đe păng pơtơm đe khan:

Yo 4:30

Na đĭ-đăng kon pơlei pơla luh năm lăng Sư.

Yo 4:39

Đei lơ tơpă kon pơlei Samari lui kơ Yêsu kơlih kơ duch pơlei noh roi kơ lu sư khan: “Bơngai ei roi 'blep tôm tơdrong đêl inh pơm.”

Yo 7:26

Dang ei Sư oei bơtho 'bơ̆t anăp bơ̆n tơpôl, mă-lei lu kră bơ̆n ưh kơ đei pơm kiơ kơ Sư, noh lu kră bơ̆n băt kơ Sư 'Bok Krist mă gô pơgơ̆r bơ̆n tơpă boih dah kiơ dang ei?

Yo 7:31

Kư̆m đei lơ bơngai mơ'nah lui kơ Sư tơpă. Na lu đe ei khan: “Bơngai âu pơm lơ tơdrong mơsêh mơyang tơpă. Nhôn tơchĕng băt kơ Sư 'Bok Krist tơpă boih âu.”

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.

I Sam 9:19

Samuel tơl: Inh bơih lah 'bok noh. Năm adrol kơ inh bĕ tơ groi to. Năr âu măr iĕm gô sŏng sa hơdai inh; na dơning inh gô roi ăn dôm tơdrong lăm jơhngơ̆m ih, đơ̆ng noh na ih wih.