Yo 3:32 - Sơ̆p Hlabơar Nơ̆r 'Bok Kei-Dei

³² Sư roi kơ đe dôm tơdrong Sư 'bôh păng Sư kơtơ̆ng. Mă-lei ưh kơ đei bơngai bu wă lui kơ nơ̆r Sư bơtho.

Yo 3:32 ပူးပေါင်းရင်းမြစ်များ

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 53:1

Bơngai bu lui tơdrong lu nhôn roi tơbăt bơih, păng ti Kră Yang đei pơdah ăn kơ bu bơih?

Mathiơ 7:8

Bơngai bu krao khan apinh 'Bok Kei-Dei kiơ kiơ, 'Bok Kei-Dei gô asong. Bơngai bu chă kiơ kiơ, 'Bok Kei-Dei gô tơ'bôh ăn. Bơngai bu dơdŭ 'măng 'Bok Kei-Dei, 'Bok Kei-Dei gô pơih ăn.

Yo 1:11

Sư jur tơ teh đak Sư kơdih, mă-lei lu buăl Sư ưh kơ wă sơng iŏk Sư.

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Yo 3:26

Lu bơngai pơhrăm păng Yôhan năm tơ Yôhan păng khan: “Ơ 'bok thây, 'Bok mă oei hơdai hăm ih pah to krong Jôrđăn, bơngai mă ih khan Sư Kon 'Bok Kei-Dei, dang ei Sư kư̆m pơm kơ đe 'batem. Đĭ-đăng bơngai năm kơdih kơdih tơ Sư.”

Yo 3:33

Bơngai bu lui kơ nơ̆r Sư bơtho, bơngai 'noh sư lui kơ 'Bok Kei-Dei pơma sĭt tơpă,

Yo 5:20

'Bă Sư 'mêm kơ Kon Sư na tơ'bôh kơ Kon Sư tôm tơdrong 'Bă Sư jang. 'Bă Sư gô ăn kơ Kon Sư jang wă pơm gah tơdrong mơsêh mơyang hloh kơ tơdrong pơklaih bơngai jĭ noh hei, wă kơ iĕm lăng hlĭch kơ đon.

Yo 8:26

Inh oei đei lơ tơdrong wă pơma păng iĕm mơ̆n gah tơdrong wă sek tơlang iĕm. 'Bok mă wơh Inh Sư pơma ling-lang tơpăt na Inh kơtơ̆ng Sư pơma thoi yơ, Inh bơtho đe kư̆m thoi noh mơ̆n.”