Yo 21:20 - Sơ̆p Hlabơar Nơ̆r 'Bok Kei-Dei

²⁰ Pêtrôs glĕch lăng na 'bôh hloi minh 'nu bơngai kiơ̆ bre sư, bơngai pơhrăm mă Yêsu 'mêm kơeng, bơngai mă sư oei jê̆ Yêsu, jet Yêsu ki, sư khan: “Ơ 'Bok, bu wă plơ̆ plĕch kơ Ih?” Sư jet noh 'bơ̆t kơplah sŏng sa ki.

Yo 21:20 ပူးပေါင်းရင်းမြစ်များ

Mathiơ 26:46

Iung bĕ, bơ̆n jah năm tơ lu sư; iĕm lăng to bơngai mă plơ̆ plĕch Inh wă jê̆ truh boih.”

Yo 20:2

Thoi noh sư kơdâu năm tơ Pêtrôs hăm bơngai pơhrăm nai dơ̆ng, bơngai mă Yêsu 'mêm păng sư akhan thoi âu: “Yŏng bơ̆n Yêsu, đe iŏk tơ nai boih, mă-lei nhôn ưh kơ băt đe 'măn Sư tơ yơ ôh.”

Yo 21:21

Pêtrôs 'bôh bơngai noh na jet Yêsu: “Ơ Kră Yang, bĭ bơngai âu ning-mônh sư gô thoi yơ?”

Yo 21:24

Dôm nơ̆r pơma âu đơ̆ng bơngai pơhrăm păng Yêsu ei, bơngai mă Sư 'mêm kơeng. Sư chih roi ăn kơ bơ̆n lăm sơ̆p hla bơar âu. Păng bơ̆n kư̆m băt dôm tơdrong sư chih pơma tơpăt ngăl.

Yo 21:7

Bơngai pơhrăm păng Yêsu mă Sư 'mêm kơeng tơpă, sư khan kơ Pêtrôs: “'Noh Kră Yang bơ̆n Yêsu.” Lăp Pêtrôs kơtơ̆ng thoi noh boih na sư hrŭk ao sư hloi, yua kơ kơplah sư oei traih jal hei sư ưh kơ hrŭk ao. Hrŭk ao đang boih na sư kơtah hloi tơ đak năm tơkan hloi tơ Yêsu. Thŏng-nan ataih kơ jih đak ei dang minh-hrĕng thưk.