Yo 21:19 - Sơ̆p Hlabơar Nơ̆r 'Bok Kei-Dei

¹⁹ Yêsu khan thoi noh Sư roi tơdrong Pêtrôs gô lôch lơliơ wă kơ bơ̆n bơnê kơ 'Bok Kei-Dei yua kơ sư gô mơ̆ng kơ 'Bok Kei-Dei wă. Klaih kơ noh na Yêsu khan: “Bĕ kiơ̆ Inh.”

Yo 21:19 ပူးပေါင်းရင်းမြစ်များ

Jo 14:24

Mă-lei Kalep buăl Inh, chu kiơ̆ lui ngeh kơ nơ̆r Inh tơpă ưh kơ wă kiơ̆ nơ̆r lu đe, na Inh gô chông ba ăn kơ sư mơ̆t lăm char noh, char mă đêl sư đei năm boih, ăn kơ lu adrĕch adrung sư oei jang sa tơ noh.

Mathiơ 10:38

Bu ưh kơ chu tôi 'long pơglang sư kơdih lôch kiơ̆ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 8:22

Yêsu khan: “Ưh ôh, ih kiơ̆ Inh dang ei hloi, tơdrong 'bŭ bơngai lôch lê̆ tơduă lu bơngai lôch tung 'bŭ dih băl.”

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Yo 12:33

Yêsu khan thoi noh wă kơ lu đe ei băt kơ Sư lôch thoi yơ.

Yo 18:32

Tơdrong pơma 'noh 'blep trŏ thoi Yêsu khan lê̆ hơdrol, Sư wă lôch tơ 'long pơglang.

Yo 21:18

Inh khan kơ ih tơpă wă kơ ih băt: Hơtai ih oei moh sơ̆ ih gơh hrŭk hơbĕn ao ih năm tơ yơ yơ mơ̆ng kơ ih wă. Mă-lei lăp ih kră ning-mônh ih gô plaih ti ih, na đe nai gô chô̆ ti ih dui ih tơ anih mă ih ưh kơ wă.”

Yo 21:22

Yêsu khan kơ sư: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet? Ih kư̆ lui kơ Inh đĕch.”

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

II Pet 1:14

yua kơ tơdrong arih inh ưh pă đunh boih kiơ̆ thoi Yêsu Krist akhan kơ inh.

I Sam 12:20

Samuel tơl kon pơlei: 'Nĕ kơ hli. Tơpă iĕm đei pơm dôm tơdrong yoch âu; mă-lei 'nĕ kơ achăng Kră Yang, athei đĭ jơhngơ̆m chu kiơ̆ kơ Kră Yang.