Yo 20:29 - Sơ̆p Hlabơar Nơ̆r 'Bok Kei-Dei

²⁹ Mă-lei Yêsu khan kơ sư: “Ih 'bôh Inh boih, thoi noh ih lui. Lu bơngai bu mă ưh kơ 'bôh Inh, mă-lei sư lui, 'noh hiôk tơpă kơ lu sư.”

Yo 20:29 ပူးပေါင်းရင်းမြစ်များ

Mathiơ 13:16

Yêsu oei pơma kơ lu bơngai pơhrăm păng Sư khan: “Mă-lei gah lu iĕm âu, iĕm hiôk yua kơ măt iĕm 'bôh, đon iĕm gơh hlôh.

Luka 1:45

Ih hiôk tơpă yua kơ ih lui kơ nơ̆r Kră Yang khan kơ ih gô đei kon.”

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Yo 20:8

Thoi noh bơngai pơhrăm mă truh hơdrol 'noh kư̆m mơ̆t tơ lăm bơsat, sư 'bôh na sư lui kơ Yêsu iung arih boih.

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

II Kor 5:7

Nhôn kiơ̆ Sư kơplah oei tơ ala teh âu, nhôn kiơ̆ hăm tơdrong lui đĕch, wă kơ juăt hăm Sư, ưh kơ sĭ nhôn kiơ̆ yua kơ măt nhôn 'bôh Sư boih ôh.

Hêbrơ 11:1

Bơngai đon lui, sư băt tơpă kơ sư gô đei. Tơdrong sư ưh kơ gơh 'bôh sư kư̆m băt kơ đei mơ̆n.

Hêbrơ 11:27

Yua kơ sư đei đon lui, na sư jăk achăng lê̆ dêh Êyiptơ. Sư ưh kơ hli kơ 'bok pơtao hil kơ sư ôh, sư kư̆ kơ năm hloi, yua kơ sư dang lĕ 'bôh akâu 'Bok Kei-Dei mă bơ̆n ưh kơ 'bôh.

Hêbrơ 11:39

'Bok Kei-Dei jô̆ đĭ-đăng kơ lu sư đei đon lui kơjăp, mă-lei kơplah lu sư oei tơ teh sơ̆, lu sư ưh tam mă đei tơdrong 'Bok Kei-Dei pơkă ôh.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.