Yo 20:27 - Sơ̆p Hlabơar Nơ̆r 'Bok Kei-Dei

²⁷ Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Yo 20:27 ပူးပေါင်းရင်းမြစ်များ

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Mathiơ 17:17

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm”

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Luka 24:39

Iĕm lăng rơka jơ̆ng ti Inh na iĕm kơnăl kơ Inh tơpă. Iĕm pel lăng akâu Inh wăi. Dah atâu ưh kơ đei akâu akar thoi Inh âu ôh.”

Luka 24:40

Lăp Sư khan thoi noh na Sư tơ'bôh hloi kơ lu sư jơ̆ng ti Sư.

Luka 9:41

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Yo 20:20

Đơ̆ng rŏng kơ pơma thoi noh, Yêsu tơ'bôh ti păng rơhiĕo Sư kơ lu đe noh. Lu bơngai pơhrăm 'bôh Kră Yang Yêsu, lu sư chhơp tơpă.

Yo 20:25

Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Yo 20:28

Klaih kơ noh Thôm khan: “Ơ Kră Yang inh, 'Bok Kei-Dei.”

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.