Yo 20:25 - Sơ̆p Hlabơar Nơ̆r 'Bok Kei-Dei

²⁵ Thoi noh lu bơngai pơhrăm nai khan kơ Thôm: “Nhôn 'bôh boih Kră Yang bơ̆n Yêsu.” Mă-lei Thôm khan: “Dah inh ưh kơ 'bôh đêl rơka kơđĭnh tơ ti Sư, dah inh ưh kơ tŏt hơnglâu ti inh tơ đêl rơka noh, hăm ti inh ưh kơ tŏt tơ rơhiĕo Sư, lei inh ưh kơ lui.”

Yo 20:25 ပူးပေါင်းရင်းမြစ်များ

Jop 9:16

Mă Sư tơl nơ̆r inh krao apinh, inh kư̆m oei ưh kơ ngeh Sư mơ̆ng nơ̆r inh

Horiso 22:16

Yua kơ lu kŏ tăp dăr kơ inh, Minh khŭl bơngai kơnê̆ wang tăp kơ inh boih; Lu sư 'bet klĕch ti păng jơ̆ng inh boih.

Horiso 78:32

Mă khan thoi noh ră, lu sư kư̆m oei pơm yoch. Oei ưh kơ lui kơ tơdrong hlĭch chrơp Kră Yang đei pơm.

Mathiơ 27:42

“Sư gơh dŏng pơklaih đe, mă-lei Sư ưh kơ gơh dŏng pơklaih akâu Sư kơdih. Thoi Sư khan Sư Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.

Markôs 16:11

Lăp lu sư kơtơ̆ng Mari khan Yêsu iung arih păng Mari khan kơ lu sư, sư 'bôh Yêsu tơpă ră, mă-lei lu sư ưh kơ lui.

Markôs 16:13

Bre sư brŏk roi kơ lu bôl sư mă-lei lu bôl sư ưh kơ lui kơ bre sư mơ̆n.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Yo 21:7

Bơngai pơhrăm păng Yêsu mă Sư 'mêm kơeng tơpă, sư khan kơ Pêtrôs: “'Noh Kră Yang bơ̆n Yêsu.” Lăp Pêtrôs kơtơ̆ng thoi noh boih na sư hrŭk ao sư hloi, yua kơ kơplah sư oei traih jal hei sư ưh kơ hrŭk ao. Hrŭk ao đang boih na sư kơtah hloi tơ đak năm tơkan hloi tơ Yêsu. Thŏng-nan ataih kơ jih đak ei dang minh-hrĕng thưk.

Yo 6:30

Lu bơngai tơpôl ei khan: “Lei Ih pơm tơ'bôh kơ nhôn tơdrong mơsêh mơyang Ih bĕ, na nhôn lui kơ Ih. Ih wă pơm kơ nhôn tơdrong mơsêh mơyang kiơ?

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 3:18

Bĭ Sư khan: Iĕm ưh kơ gơh layơ wă mơ̆t pơdơh tơ dêh char Inh, noh Sư hil kơ đe bu? Sư hil kơ lu bơngai mă ưh kơ chu Sư.