Yo 20:13 - Sơ̆p Hlabơar Nơ̆r 'Bok Kei-Dei

¹³ Bre sư jet Mari thoi âu: “Ih hmoi kơ kiơ?” Mari khan: “Đe iŏk atâu Yŏng inh, thoi noh inh ưh kơ băt đe lê̆ Sư tơ yơ ôh.”

Yo 20:13 ပူးပေါင်းရင်းမြစ်များ

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Je 31:16

Kră Yang khan: “'Nĕ pă nhơ̆m dơ̆ng, lê̆ pă lĕch đak măt, yua kơ tơdrong jang iĕm gô đei apah;” Kră Yang khan: “Lu iĕm gô wih brŏk đơ̆ng char lu bơngai ayăt,”

Luka 24:17

Na Yêsu jet bre sư: “Kơplah biĕm yak rok trong hei biĕm pơma dơnuh tơdrong kiơ?” Na bre sư bơngoi, dơ̆ng hloi.

Yo 19:26

Yêsu 'bôh mĕ Sư păng bơngai pơhrăm păng Sư mă Sư 'mêm. Sư khan kơ mĕ Sư thoi âu: “Ơ duch, 'noh kon ih.”

Yo 2:4

Na Yêsu khan kơ sư: “Ơ duch, ih mah hăt kơ kiơ, yua kơ tam mă trŏ jơ Inh wă tơgŭm lu sư?”

Yo 20:15

Yêsu khan kơ Mari: “Ih hmoi kơ kiơ, ih chă bu?” Mari ngêh kơ Yêsu 'noh bơngai wei pơgar, na sư khan: “Ơ 'bok, tơdah ih đei iŏk atâu Sư, apinh ih roi kơ inh ih lê̆ tơ yơ, wă kơ inh năm iŏk Sư.”

Yo 20:2

Thoi noh sư kơdâu năm tơ Pêtrôs hăm bơngai pơhrăm nai dơ̆ng, bơngai mă Yêsu 'mêm păng sư akhan thoi âu: “Yŏng bơ̆n Yêsu, đe iŏk tơ nai boih, mă-lei nhôn ưh kơ băt đe 'măn Sư tơ yơ ôh.”

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

I Sam 1:8

Êlkana klo sư khan kơ sư, ơ Hana, yua kơ kiơ ih nhơ̆m? Hăm yua kơ kiơ ih ưh kơ sŏng sa? Yua kơ kiơ jơhngơ̆m ih sơ'ngon? Liơ ih đei inh bơih ưh kơ gĭt hloh kơ đei mơjĭt 'nu kon drŏ-nglo hă?