Yo 19:38 - Sơ̆p Hlabơar Nơ̆r 'Bok Kei-Dei

³⁸ Đei minh 'nu bơngai đơ̆ng Pơlei Armơthê, anăn sư Yôsep, sư bơngai lui kơ Yêsu mơ̆n, mă-lei sư ôn tơdrong lui sư yua kơ sư hli kơ lu bơngai Juđê. Yôsep 'noh năm apinh Pilat wă iŏk 'bŭ atâu Yêsu. Pilat kư̆m ăn mơ̆n. Thoi noh sư iŏk atâu Yêsu.

Yo 19:38 ပူးပေါင်းရင်းမြစ်များ

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Yo 12:42

Mă-lei kư̆m đei lơ mơ̆n lu kră pơm tih lăm dêh Juđê lui kơ Yêsu. Mă-lei lu sư ưh kơ roi kơ đe tơdrong sư lui ôh, kơlih kơ lu sư hli kơ lu bơngai Pharisi băt kơ lu sư lui, na bơngai Pharisi ưh kơ ăn mơ̆t akŭm lăm hnam akŭm 'Bok Kei-Dei.

Yo 7:13

Lu bơngai mă pơma thoi noh, lu sư ưh kơ pơma 'bơ̆t anăp đe tơpôl ôh kơlih kơ lu sư hli kơ lu kră sư.

Yo 9:22

Mĕ 'bă sư ưh kơ wă khan Yêsu pơklaih sư yua kơ sư hli kơ lu bơngai Juđê. Lu bơngai Juđê khan bơngai bu khan Yêsu 'Bok Krist mă 'Bok Kei-Dei wơh wă pơgơ̆r kon bơngai, bơngai 'noh lu sư ưh kơ ăn năm mơ̆t akŭm tơ hnam 'Bok Kei-Dei.

Jang 13:29

Lu sư pơm kơ Yêsu dôm tơdrong pơkă lê̆ hơdrol lăm sơ̆p hla bơar 'Bok Kei-Dei đang boih na đe tơjur akâu Sư đơ̆ng 'long pơglang na 'măn akâu Sư tơ bơsat.

Philip 1:14

Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.