Yo 19:31 - Sơ̆p Hlabơar Nơ̆r 'Bok Kei-Dei

³¹ Lu bơngai Juđê năm apinh Pilat wă gơ̆ lê̆ jơ̆ng lu bơngai mă đêl pơ̆ng tơ 'long pơglang, wă kơ lu sư jah lôch na gơh tơjur 'bŭ atâu lu sư. Lu sư pơm thoi noh hơdrol kơ năr pơdơh Sa'bat, kơlih kơ năr Sa'bat lu sư kuă kơ lê̆ atâu tơ kơpal 'long pơglang, kơlih kơ năr Sa'bat 'noh năr lu sư khan năr kăl hloh tơpă, yua kơ trŏ năr pơm giĕng.

Yo 19:31 ပူးပေါင်းရင်းမြစ်များ

Le 12:16

Năr blŭng-a, lu iĕm athei đei năr akŭm 'lơ̆ng rơgoh păng truh năr tơpơh lu iĕm gô akŭm lei-lăi mơ̆n. Lăm năr noh ưh gơh jang tơdrong kiơ, lăp gơh pai hơmet tơmam sa ăn kơ rim 'nu sa đĕch.

Tơdrông Pơđơk 12:10

Bơngai tơpăt băt wei sem dơrong; tơdrong bơngai kơnê̆ khan 'mêm noh lăp pơm kơnê̆.

Mi 3:3

Lu iĕm sa sĕch lu kon pơlei Inh, lŏng hiŏng iŏk akar gơ̆ lê̆ kơting, lu sư rơkhŭl rơkhăl thoi wă tah pai lăm gŏ, kư̆m thoi 'nhĕm sĕch tơ lăm gŏ glah.

Mathiơ 27:62

Năr Yêsu lôch noh, năr đe hơmet tôm tơdrong tơmam wă yua lăm năr pơdơh Sa'bat. Na truh dơning, wă khan năr pơdơh Sa'bat, na lu 'bok soi tih hăm lu bơngai Pharisi năm akŭm păng Pilat.

Markôs 15:42

Đei minh 'nu bơngai anăn sư Yôsep đơ̆ng Pơlei Armơthê. Sư bơngai khŭl kră sek tơlang kơ đe păng đe ư-ang kơ sư. Sư kư̆m chang gô 'Bok Kei-Dei pơgơ̆r mơ̆n. Lăp 'năr kơsơ̆ boih năr ei, năr đe hơmet lê̆ hơdrol tôm tơdrong wă yua lăm năr pơdơh Sa'bat dơning, na Yôsep pơprơ̆n năm tơ Pilat apinh iŏk 'bŭ atâu Yêsu.

Yo 19:1

Thoi noh Pilat năm ba Yêsu ăn kơ lu linh sư teh tach Sư păng sơnguĕt.

Yo 19:14

Năr noh lăp 'năr wă suăn dơ̆ng, năr đe oei hơmet wă pơm Giĕng Năm Brih, Pilat khan kơ lu Juđê: “Âu 'Bok Pơtao iĕm.”

Yo 19:42

Yua kơ wă truh năr Sa'bat boih păng bơsat 'noh kư̆m jê̆ mơ̆n, thoi noh bre sư tah atâu Yêsu lăm bơsat ei hloi.

Jôsuê 8:29

Jôsuê hrek hơtol lê̆ pơtao Ahi, 'bơ̆t tơm 'long truh kơsơ̆, truh 'năr wă mơ̆t, Jôsuê athei đe tơjur đơ̆ng tơm 'long, klơ̆m hơtat lê̆ 'bơ̆t 'măng jang mơ̆t tơ pơlei, đe dan tơmo kơpal akâu pơtao lôch minh pôi tih oei đei dĭng truh tơ dang ei.