Yo 19:28 - Sơ̆p Hlabơar Nơ̆r 'Bok Kei-Dei

²⁸ Yêsu băt tôm tơdrong đang boih. Wă kơ pơm 'blep trŏ thoi sơ̆p hla bơar 'Bok Kei-Dei khan lê̆ hơdrol, Sư khan: “Inh 'maih nhă đak.”

Yo 19:28 ပူးပေါင်းရင်းမြစ်များ

Horiso 22:15

Jơhngơ̆m pran inh kro thoi lơ̆n 'buh păng hơpiĕt inh klep tơ păk-'ngơk. Kră Yang dan inh tơ lăm 'mui teh thoi lôch.

Horiso 69:21

Lu sư ăn hla tăng pơm tơmam sa inh. Păng ăn kơ inh nhă đak iŭ kơplah rơhing.

Luka 12:50

Inh gô đei tơdrong lôch pơmat, na jơhngơ̆m Inh ưh kơ hiôk tơ̆p hloh kơ năr Inh 'nei 'mơ̆i na Inh hiôk.

Luka 18:31

Yêsu anhăk mơjĭt-'bar 'nu bơngai pơhrăm păng Sư weh ataih 'biơ̆ kơ đe na Sư khan kơ lu bơngai pơhrăm păng Sư: “Iĕm mơ̆ng bĕ. Dang ei bơ̆n oei năm tơ Pơlei Jêrusalem. Tơ ei kơnh đe gô pơm kơnê̆ kơ Inh, na 'blep tôm tơdrong lu bơngai pơtruh nơ̆r 'Bok Kei-Dei sơ̆, lu sư chih khan lê̆ hơdrol gah tơdrong Inh Kon Bơngai.

Luka 22:37

Sơ̆p hla bơar 'Bok Kei-Dei khan sơ̆ thoi âu: Đe jô̆ kơ Inh bơngai yoch trŏ kơ pơlôch. Na bơ̆n gô 'bôh đe jô̆ kơ Inh thoi noh tơpă. Na dôm tơdrong đe chih lê̆ hơdrol sơ̆ gah Inh bơ̆n gô 'bôh tôm tơpă.”

Luka 9:31

Akâu jăn bre sư kư̆m rang hơdah mơ̆n. Bre sư pơma dơnuh păng Yêsu tơdrong Sư wă lôch iung arih tơ Pơlei Jêrusalem kiơ̆ thoi 'Bok Kei-Dei ată lê̆ hơdrol.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 17:4

Inh pơư pơang anăn Ih kơ lu bơngai oei tơ ala teh âu; Inh pơm keh boih dôm tơdrong jang mă Ih pơkă ăn kơ Inh.

Yo 18:4

Yêsu băt boih tơdrong wă truh kơ Sư, mă-lei Sư năm găn anăp lu đe ei păng jet: “Lu iĕm chă bu?”

Yo 19:24

Lu linh pơma băl tơduă lu sư khan: “Lu bơ̆n 'nĕ pă hek ao 'nâu, gô bơ̆n hlang lăng 'mơ̆i, na băt bu gơh iŏk.” 'Noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Lu sư hek asong băl hơbĕn ao Inh, klaih kơ 'noh hlang iŏk ao tai Inh.” Thoi noh lu linh pơm rok tơdrong 'noh.

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

Yo 19:36

Tơdrong 'noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Ưh kơ đei minh pôm kơting Sư tơgơ̆ ôh.”

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Jang 13:29

Lu sư pơm kơ Yêsu dôm tơdrong pơkă lê̆ hơdrol lăm sơ̆p hla bơar 'Bok Kei-Dei đang boih na đe tơjur akâu Sư đơ̆ng 'long pơglang na 'măn akâu Sư tơ bơsat.