Yo 19:19 - Sơ̆p Hlabơar Nơ̆r 'Bok Kei-Dei

¹⁹ Pilat chih minh hlak gơ'bang athei đe pơ̆ng 'bơ̆t 'long pơglang. Gơ'bang 'noh chih thoi âu: “Yêsu, Pơlei Nasaret, Pơtao đe Juđê.”

Yo 19:19 ပူးပေါင်းရင်းမြစ်များ

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Mathiơ 27:37

Lu sư chih roi tơ gơ'bang iĕ pơ̆ng tơ kơpal kơ Yêsu khan tơdrong kơnê̆ đe jô̆ kơ Sư pơm thoi âu: “'Bok 'nâu, anăn sư Yêsu, 'Bok Pơtao đe Juđê.”

Markôs 15:26

Lu sư chih roi tơ gơ'bang iĕ pơ̆ng tơ kơpal kơ Sư, khan tơdrong kơnê̆ đe jô̆ kơ Sư pơm thoi âu: “'Bok 'nâu Pơtao đe Juđê.”

Luka 18:37

Na đe khan kơ sư: “Đe kiơ̆ Yêsu Pơlei Nasaret yak trong âu.”

Luka 23:38

Đe chih tơ gơ'bang iĕ kơpal kơ̆l Sư thoi âu: 'Bok 'nâu Pơtao đe Juđê.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 18:33

Pilat mơ̆t dơ̆ng tơ hnam birô 'noh păng jet Yêsu: “Hăm trŏ kơ Ih pơm Pơtao đe Juđê?”

Yo 19:12

Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”

Yo 19:14

Năr noh lăp 'năr wă suăn dơ̆ng, năr đe oei hơmet wă pơm Giĕng Năm Brih, Pilat khan kơ lu Juđê: “Âu 'Bok Pơtao iĕm.”

Yo 19:21

Lu 'bok soi tih năm khan kơ Pilat: “Ih 'nĕ kơ chih khan: ‘'Bok Pơtao đe Juđê.’ Ih athei chih thoi âu: ‘Bơngai âu pơang akâu Sư kơdih khan Pơtao lu bơngai Juđê.’ ”

Yo 19:3

Klaih kơ noh lu sư năm tơ anăp Yêsu khan: “Kơkuh kơ Ih 'Bok Pơtao bơngai Juđê.” Păng lu sư tap tơ'bŏk Yêsu.

Jang 26:9

“Sơ̆ inh kư̆m wă pơrăm tơpă lu bơngai lui kiơ̆ kơ Yêsu, sư bơngai Pơlei Nasaret.

Jang 3:6

Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”