Yo 19:18 - Sơ̆p Hlabơar Nơ̆r 'Bok Kei-Dei

¹⁸ Tơ noh boih đe pơ̆ng Sư tơ 'long pơglang. Pơ̆ng hơdai Yêsu kư̆m đei 'bar 'nu bơngai nai, minh 'nu gah 'ma minh 'nu gah 'ngiĕo, na Yêsu tŏk-bŏk.

Yo 19:18 ပူးပေါင်းရင်းမြစ်များ

Horiso 22:16

Yua kơ lu kŏ tăp dăr kơ inh, Minh khŭl bơngai kơnê̆ wang tăp kơ inh boih; Lu sư 'bet klĕch ti păng jơ̆ng inh boih.

Êsai 53:12

Lei na Inh gô jô̆ sư hơtŏ hăm bơngai yŏng tih. Păng Kră Yang gô jô̆ sư lei-lăi hăm lu bơngai nuih pran, yua kơ sư tuh jao tơdrong arih sư kơdih truh kơ lôch, đe jô̆ lăm khŭl bơngai kơnê̆; mă tơpă sư pŭ iŏk tơdrong yoch kơ lơ bơngai păng krao khan ăn kơ lu bơngai yoch.

Mathiơ 27:44

'Bar 'nu bơngai tơtông mă đe pơ̆ng hơdai Yêsu kư̆m hơdai pơjăm Sư thoi noh mơ̆n.

Yo 18:32

Tơdrong pơma 'noh 'blep trŏ thoi Yêsu khan lê̆ hơdrol, Sư wă lôch tơ 'long pơglang.

Yo 19:32

Thoi noh lu linh năm gơ̆ jơ̆ng bơngai gah âu hăm pah to, 'bar 'nu bơngai đe pơ̆ng pơlôch hơdai hăm Yêsu 'noh.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.