Yo 19:17 - Sơ̆p Hlabơar Nơ̆r 'Bok Kei-Dei

¹⁷ Yêsu tôi ba 'long pơglang kơdih Sư, năm tơ anih đe anăn kông kơting kơ̆l bơngai lôch. Nơ̆r Juđê khan, Gôlgôtha.

Yo 19:17 ပူးပေါင်းရင်းမြစ်များ

Bl 22:6

Abraham chĕp 'long ŭnh wă 'buh tơmam soi, pơpôi ăn kơ Isăk kon sư, gah sư chĕp ŭnh păng săng, na bre sư yak năm.

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Lêwi 24:14

Chông ba bĕ bơngai mă hiap pơtê̆ lĕch tơ 'nguaih kơ gơđông, đĭ-đăng đe bu mă kơtơ̆ng sư athei dan ti lu sư 'bơ̆t kơ̆l bơngai noh păng ăn đĭ-đăng kon pơlei pơla klơ̆m pơlôch sư păng tơmo.

Mathiơ 10:38

Bu ưh kơ chu tôi 'long pơglang sư kơdih lôch kiơ̆ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Mathiơ 16:24

Klaih kơ noh Yêsu khan kơ lu bơngai pơhrăm păng Sư: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Mathiơ 27:37

Lu sư chih roi tơ gơ'bang iĕ pơ̆ng tơ kơpal kơ Yêsu khan tơdrong kơnê̆ đe jô̆ kơ Sư pơm thoi âu: “'Bok 'nâu, anăn sư Yêsu, 'Bok Pơtao đe Juđê.”

Markôs 10:21

Yêsu lăng 'bok mơdrŏng noh, Sư 'mêm tơpă na Sư khan thoi âu: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Markôs 15:26

Lu sư chih roi tơ gơ'bang iĕ pơ̆ng tơ kơpal kơ Sư, khan tơdrong kơnê̆ đe jô̆ kơ Sư pơm thoi âu: “'Bok 'nâu Pơtao đe Juđê.”

Markôs 15:32

Thoi Sư khan Sư 'Bok Krist Pơtao đe Isơrael, Sư athei jur kơdih đơ̆ng 'long pơglang dang ei hloi, na lu bơ̆n lui kơ Sư.” 'Bar 'nu bơngai mă đe pơ̆ng hơdai Yêsu kư̆m hơdai pơjăm Sư mơ̆n.

Markôs 8:34

Yêsu krao bơngai tơpôl lơ păng lu bơngai pơhrăm păng Sư mơ̆n năm tơ Sư. Na Sư khan: “Dah bơngai bu wă kiơ̆ Inh, sư athei tŭk đĭ tơdrong sư kơdih păng tôi kơdih 'long pơglang chu lôch yua kơ wă kiơ̆ Inh.

Luka 14:27

Bơngai bu ưh kơ chu tôi 'long pơglang sư kơdih lôch kiơ̆ Inh, bơngai ei ưh kơ gơh jing bơngai kiơ̆ Inh ôh.

Luka 23:26

Đơ̆ng noh na đe anhăk ba Yêsu wă năm pơ̆ng pơlôch. Đei minh 'nu bơngai, anăn sư Simôn, sư bơngai Pơlei Siren. Sư năm brih trong ei wă mơ̆t tơ Pơlei Jêrusalem ră, mă-lei lu linh dui pơgŏ sư tôi kơ Yêsu 'long pơglang, yak đơ̆ng rŏng Yêsu.

Luka 23:33

Lăp lu sư truh tơ anih đe anăn anih kơting kơ̆l bơngai lôch, na lu sư pơ̆ng Yêsu tơ 'long pơglang tơ noh. 'Bar 'nu bơngai yoch noh hei sư kư̆m pơ̆ng hơdai păng Yêsu mơ̆n, minh 'nu gah 'ma, minh 'nu gah 'ngiĕo kơ Sư.

Luka 23:38

Đe chih tơ gơ'bang iĕ kơpal kơ̆l Sư thoi âu: 'Bok 'nâu Pơtao đe Juđê.

Luka 9:23

Na Yêsu khan kơ bơngai tơpôl lơ mă năm mơ̆ng Sư: “Dah bơngai bu wă kiơ̆ Inh, sư athei tŭk đĭ dôm tơdrong sư kơdih na rim năr sư athei tôi kơdih 'long pơglang chu lôch yua kơ wă kiơ̆ Inh.

Yo 19:13

Pilat kơtơ̆ng lu sư pơma thoi noh, sư năm ba Yêsu tơ 'ngoaih. Pilat tơoei 'bơ̆t tang-dŏ sek tơlang tơ lăm cham đe krao cham lơ̆k tơmo. Nơ̆r Juđê khan Gabatha.

Yo 5:2

Tơ Pơlei Jêrusalem đei minh tŭm dơnâu đak 'bơ̆t jê̆ 'măng tơm pơlei mă đe anăn 'Măng Triu. Đak dơnâu ei lăm nơ̆r Juđê anăn khan dơnâu Betsatha. Tơ noh đei pơđăm tŏ prơng hnam.

Jang 7:58

păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.