Yo 18:38 - Sơ̆p Hlabơar Nơ̆r 'Bok Kei-Dei

³⁸ Pilat khan: “Tơdrong kiơ khan tơdrong tơpăt?” Pilat lĕch hloi khan kơ lu bơngai Juđê: “Inh 'bôh bơngai 'nâu ưh kơ đei tơdrong yoch kiơ ôh.

Yo 18:38 ပူးပေါင်းရင်းမြစ်များ

Mathiơ 27:24

Pilat pă kĕ pơjah pơjăng thoi yơ boih, yua kơ 'bơ̆r kon pơlei pơla re rai dêh, na Pilat sŏ đak ôp ti sư kơdih 'bơ̆t anăp đe tơpôl păng khan: “Inh ưh kơ wă pơlôch ôh bơngai âu, iĕm đĕch wă pơlôch.”

Markôs 15:14

Na Pilat jet lu sư: “Kơlih kơ kiơ iĕm wă pơlôch Sư? Sư pơm tơdrong yoch kiơ?” Mă-lei lu sư rai pơma re khan: “Pơ̆ng pơlôch Sư tơ 'long pơglang.”

Luka 23:4

Na Pilat khan kơ lu 'bok soi tih păng đĭ-đăng lu bơngai tơpôl oei kiơ̆ ei: “Inh 'bôh bơngai 'nâu ưh kơ đei tơdrong yoch kiơ ôh.”

Yo 18:33

Pilat mơ̆t dơ̆ng tơ hnam birô 'noh păng jet Yêsu: “Hăm trŏ kơ Ih pơm Pơtao đe Juđê?”

Yo 19:4

Pilat lĕch dơ̆ng khan kơ lu bơngai Juđê: “Gô inh krao Sư tơ âu wă kơ iĕm băt inh ưh kơ 'bôh Sư đei tơdrong yoch kiơ ôh.”

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.