Yo 18:30 - Sơ̆p Hlabơar Nơ̆r 'Bok Kei-Dei

³⁰ Lu sư khan: “Dah Sư ưh kơ đei pơm yoch, nhôn ưh kơ đei năm ba Sư tơ ih ôh.”

Yo 18:30 ပူးပေါင်းရင်းမြစ်များ

Markôs 10:33

Sư khan: “Iĕm mơ̆ng bĕ. Bơ̆n năm tơ Pơlei Jêrusalem. Tơ ei kơnh đe wă rôp Inh Kon Bơngai, jao kơ lu 'bok soi tih păng lu thây bơtho tơdrong juăt đe Juđê. Lu sư gô sek tơlang tơdrong Inh, jao Inh kơ lu bơngai dêh đe pơlôch.

Markôs 15:3

Lu 'bok soi tih pơma jâu Yêsu lơ tơdrong.

Luka 24:7

Sư khan đe gô jao Sư Kon Bơngai kơ lu bơngai yoch, na lu sư gô pơlôch Sư tơ 'long pơglang. Mă-lei kơtĕch pêng năr Sư gô iung arih dơ̆ng.”

Yo 18:29

Thoi noh Pilat lĕch jet lu sư: “Iĕm kêng bơngai âu tơdrong kiơ?”

Yo 18:31

'Noh Pilat khan kơ lu sư dơ̆ng: “Thoi ei iĕm iŏk Sư, sek tơlang kiơ̆ tơdrong juăt lu iĕm wăi.” Lu bơngai Juđê khan: “Nhôn ưh kơ gơh pơlôch bơngai ôh.”

Yo 19:12

Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

I Pet 4:15

Bơ̆n đei tơdrong gleh truh yua kơ tơdrong yoch bơ̆n, noh pha. Thoi noh na bơ̆n 'nĕ kơ pơlôch đe, 'nĕ kơ tơtông, 'nĕ kơ pơm kơnê̆, 'nĕ kơ pơm pơhloh kơ tơdrong jang đe.