Yo 18:28 - Sơ̆p Hlabơar Nơ̆r 'Bok Kei-Dei

²⁸ Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 18:28 ပူးပေါင်းရင်းမြစ်များ

Horiso 35:16

Lu sư kăp hơnĕnh wă pơm kơ inh. Lu bơngai kơnê̆ nŏng kơ blei hiap inh.

Tơdrông Pơđơk 1:16

Yua kơ jơ̆ng lu sư kơdâu kiơ̆ trong pơm kơnê̆, hăt hot chă pơlôch đe.

Tơdrông Pơđơk 4:16

Tơdah lu sư ưh tam mă pơm kơnê̆, lu sư ưh kơsŭk tep; Tơdah lu sư ưh tam mă pơm kơ đe, lu sư kral ưh kơ tep.

Êsêkiên 45:21

Lăm năr mơjĭt-puăn khei mônh, lu iĕm gô 'blŏk hơdơ̆r pơm Phĕt Năm Brih lăm tơpơh năr; lăm lu năr noh sa 'bĕng ưh kơ đei 'buh pông.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Mathiơ 27:27

Đơ̆ng noh na lu linh Pilat anhăk Yêsu mơ̆t tơ hnam Pilat, akŭm băl đĭ kơ minh grŭp sư tơ noh.

Markôs 15:16

Đơ̆ng noh na lu linh anhăk Yêsu mơ̆t tơ cham hnam Pilat, akŭm băl đĭ kơ minh grŭp sư tơ noh.

Luka 22:66

Lăp 'brưch hơdah til pơgê 'nei, lu 'bok soi tih păng lu 'bok thây bơtho tơdrong juăt đe Juđê, hăm đĭ-đăng lu kră nai mă pơgơ̆r bơngai Juđê akŭm dih băl. Na đe anhăk ba Yêsu tơ anăp lu sư. Na lu sư khan kơ Yêsu thoi âu:

Yo 11:55

Hơtai ei Năr Giĕng Năm Brih đe Juđê wă jê̆ truh boih, na lơ bơngai Juđê đơ̆ng pơlei nai năm tơ Pơlei Jêrusalem hơdrol kơ năr giĕng ei. Lu sư năm tơ lu 'bok soi wă pơm rơgoh kơdih tơdrong yoch hơdrol kơ Năr Giĕng Năm Brih ei.

Yo 18:13

Lu sư năm ba Yêsu tơ Ana. Ana 'noh sư tơnei Kaiphe. Kaiphe pơm 'bok soi tơm lăm sơnăm 'noh.

Yo 18:15

Pêtrôs hăm minh 'nu bơngai pơhrăm nai năm kiơ̆ Yêsu. 'Bok soi tơm sư juăt hăm minh 'nu bơngai pơhrăm 'noh, thoi noh bơngai 'nâu gơh mơ̆t hơdai kiơ̆ Yêsu tơ cham 'bok soi tơm.

Yo 18:33

Pilat mơ̆t dơ̆ng tơ hnam birô 'noh păng jet Yêsu: “Hăm trŏ kơ Ih pơm Pơtao đe Juđê?”

Yo 18:39

Thoi noh kiơ̆ kơ tơdrong juăt iĕm, trŏ kơ Năr Giĕng Năm Brih, inh wă tơlĕch ăn minh 'nu bơngai đơ̆ng lăm hnam phak. Iĕm hăm wă inh tơlĕch kơ iĕm 'Bok Pơtao đe Juđê?”

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Yo 19:14

Năr noh lăp 'năr wă suăn dơ̆ng, năr đe oei hơmet wă pơm Giĕng Năm Brih, Pilat khan kơ lu Juđê: “Âu 'Bok Pơtao iĕm.”

Yo 19:9

Sư mơ̆t dơ̆ng tơ hnam birô păng jet Yêsu: “Ih đơ̆ng yơ?” Yêsu ưh kơ đei drơ̆ng tơwih kơ sư ôh.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Jang 10:32

Na dang ei ih athei bơngai jang kơ ih năm tơ Pơlei Japa krao minh 'nu bơngai anăn sư Pêtrôs. Sư oei păng minh 'nu bơngai jang akar, anăn sư Simôn. Hnam sư jê̆ đak dơsĭ.’

Jang 11:3

“Lơliơ ih năm hơpong kơ lu bơngai tơmoi mă ưh kơ kăt tơdra akar thoi bơ̆n? Ih kư̆m sŏng sa păng lu sư tăm.”

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.