Yo 18:15 - Sơ̆p Hlabơar Nơ̆r 'Bok Kei-Dei

¹⁵ Pêtrôs hăm minh 'nu bơngai pơhrăm nai năm kiơ̆ Yêsu. 'Bok soi tơm sư juăt hăm minh 'nu bơngai pơhrăm 'noh, thoi noh bơngai 'nâu gơh mơ̆t hơdai kiơ̆ Yêsu tơ cham 'bok soi tơm.

Yo 18:15 ပူးပေါင်းရင်းမြစ်များ

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Markôs 14:54

Pêtrôs kiơ̆ lăng đơ̆ng rŏng Yêsu ataih ataih, na mơ̆t hloi tơ cham hnam 'bok soi tơm. Pêtrôs oei nhur ŭnh hơdai lu bơngai gak.

Luka 22:54

Na lu sư rôp hloi Yêsu anhăk Sư tơ hnam 'bok soi tơm. Na Pêtrôs kiơ̆ lăng Sư đơ̆ng rŏng đơ̆ng rŏng Sư ataih ataih.

Yo 18:24

Klaih kơ noh Ana wơh đe ba Yêsu năm tơ 'bok soi tơm anăn sư Kaiphe. Ti Yêsu oei chô̆.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.