Yo 16:28 - Sơ̆p Hlabơar Nơ̆r 'Bok Kei-Dei

²⁸ Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Yo 16:28 ပူးပေါင်းရင်းမြစ်များ

Luka 24:51

Na kơplah Sư oei krao khan kơ 'Bok Kei-Dei, na 'Bok Kei-Dei atŏk Sư tơ plĕnh achăng lê̆ lu sư.

Luka 9:51

Lăp wă jê̆ năr Yêsu wă tŏk tơ plĕnh Sư pơkă khan Sư gô năm tơ Pơlei Jêrusalem hơdrol 'mơ̆i.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 14:28

Iĕm kơtơ̆ng Inh khan kơ iĕm, khan Inh gô jăk đơ̆ng iĕm păng gô wih dơ̆ng tơ iĕm. Dah iĕm 'mêm kơ Inh tơpă, lei iĕm kư̆m hiôk chơt tơduă iĕm mơ̆n, yua Inh khan Inh wă tŏk tơ 'Bă Inh păng yua kơ Sư tih hloh kơ Inh.

Yo 16:10

Sư tơbăt kơ lu sư Inh pơm 'lơ̆ng tơpăt kơlih kơ Inh brŏk tơ 'Bă Inh 'Bok Kei-Dei, na iĕm ưh pă 'bôh Inh dơ̆ng.

Yo 16:16

“Pă 'biơ̆ iĕm ưh pă 'bôh Inh boih. Mă-lei đơ̆ng rŏng kơ noh ưh kơ đunh mơ̆n iĕm 'bôh Inh dơ̆ng.”

Yo 16:30

Na dang ei nhôn băt kơ Ih, băt tôm tơdrong păng nhôn ưh pă kăl jet Ih dơ̆ng. Thoi noh boih na nhôn lui kơ Ih jur đơ̆ng 'Bok Kei-Dei tơpă.”

Yo 16:5

“Na dang ei Inh wă brŏk tơ 'Bok mă wơh Inh. Mă-lei iĕm ưh kơ đei tơchĕng tơdrong Inh wă brŏk tơ Sư.

Yo 17:11

Na dang ei Inh pă oei tơ ala teh âu dơ̆ng, pôm lu sư đĕch oei tơ teh âu. Inh wă tŏk tơ Ih boih. Ơ 'Bă, Ih 'lơ̆ng tơpăt, apinh Ih yua mơsêh mơyang Ih wei-lăng lu sư mă kơjăp kư̆m thoi Ih pơjao kơ Inh tơdrong mơsêh mơyang. Na apinh Ih wei-lăng lu sư wă kơ lu sư pôm đon, kư̆m thoi ba pôm đon dih băl.

Yo 17:13

“Na dang ei Inh wă tŏk oei hơdai păng Ih, mă-lei hơdrol kơ Inh wă tŏk Inh roi kơ Ih dôm nơ̆r âu wă kơ lu sư hiôk chơt tơduă lu sư, kư̆m thoi ba hiôk chơt tơduă ba.

Yo 17:5

Na dang ei ơ 'Bă, atŏk inh brŏk oei păng Ih mă hiôk hơiă bĕ 'Bă, kư̆m thoi Inh oei hơdai hăm Ih mă hơdrol kơ Ih pơjing plĕnh teh sơ̆ hiôk hơiă tơpă.

Yo 8:14

Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.