Yo 16:15 - Sơ̆p Hlabơar Nơ̆r 'Bok Kei-Dei

¹⁵ Dôm tơdrong 'Bă Inh kư̆m thoi tơdrong Inh mơ̆n, kơlih kơ thoi noh na Inh khan Yang Bơhngol 'Lơ̆ng gô bơtho iĕm dôm tơdrong Inh.

Yo 16:15 ပူးပေါင်းရင်းမြစ်များ

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Yo 13:3

Yêsu băt kơ 'Bă Sư ăn kơ Sư gơh pơm tôm tơdrong. Păng Sư băt Sư kơdih jur đơ̆ng 'Bok Kei-Dei păng wă tŏk tơ 'Bok Kei-Dei dơ̆ng.

Yo 14:21

“Bơngai bu răk dôm tơdrong Inh pơkă, bơngai 'noh boih 'mêm kơ Inh tơpă. Bơngai bu 'mêm kơ Inh, 'Bă Inh kư̆m 'mêm kơ sư mơ̆n; păng Inh kư̆m 'mêm kơ sư na Inh tơbăt kơ sư akâu Inh.”

Yo 17:10

Dôm lu bơngai Inh dang bơngai Ih păng đĭ-đăng bơngai Ih dang bơngai Inh mơ̆n. Lu sư kư̆m pơư pơang Inh.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Kôlôsê 1:19

yua kơ 'Bok Kei-Dei ăn kơ Sư tôm tơdrong lei-lăi thoi Sư kơdih.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.