Yo 15:25 - Sơ̆p Hlabơar Nơ̆r 'Bok Kei-Dei

²⁵ Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

Yo 15:25 ပူးပေါင်းရင်းမြစ်များ

Horiso 109:3

Lu sư pơma hăm nơ̆r hil areh wang tăp kơ inh. Blah inh hăm tơdrong ưh kơ đei.

Horiso 35:19

'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.

Horiso 69:4

Lu bơngai areh kơ inh tơdrong kơđei, lơ hloh kơ sŏk kơpal kơ̆l inh; Lu pơm ayăt kơ inh tơdrong kơ đei, lu bơngai wă pơrăm inh kơtang tơpă. Inh athei 'mong dôm tơmam mă inh ưh kơ tơtông iŏk ră.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 10:34

Yêsu khan kơ lu sư: “Lăm sơ̆p hla bơar 'Bok Kei-Dei đei chih khan, 'Bok Kei-Dei anăn lu kơdră bơ̆n sơ̆ khan sư kư̆m dang yang mơ̆n.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Yo 19:36

Tơdrong 'noh 'blep trŏ thoi sơ̆p hla bơar 'Bok Kei-Dei khan lê̆ hơdrol thoi âu: “Ưh kơ đei minh pôm kơting Sư tơgơ̆ ôh.”

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Rom 3:24

Mă-lei 'Bok Kei-Dei oei 'mêm kơ kon bơngai jô̆ kon bơngai jing 'lơ̆ng hăm Sư. Sư mơnat ăn đĕch. Yua kơ Sư mơnat na Sư ăn Yêsu Krist huai iŏk bơ̆n.

II Kor 11:7

Kơplah inh bơtho iĕm tơdrong 'nao 'lơ̆ng 'Bok Kei-Dei sơ̆, inh iŏk đon ala kơ đe ưh kơ wă iŏk sa tơmam iĕm apah; inh jang sa kơdih bơtho rah iĕm wă kơ iĕm hiôk chơt. Đe ưh kơ hiôk kơ inh tơdrong noh hă na đe pơjăm inh ei?

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

II Tes 3:8

Hơtai ki nhôn ưh kơ wă đe 'me sa nhôn ôh. Nhôn kơmăng kơ'năr jang sa kơdih wă kơ iĕm huay kơ 'me nhôn.

Tơdrông Tơ'bôh 21:6

Na 'Bok Kei-Dei khan dơ̆ng kơ inh thoi âu: “Inh pơm tôm tơdrong keh boih. Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh. Thoi noh bu ol kơ đak, inh asong nhă đĕch đơ̆ng tu đak ăn kơ kon bơngai gơh arih ling-lang.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.