Yo 14:31 - Sơ̆p Hlabơar Nơ̆r 'Bok Kei-Dei

³¹ Inh wă kơ kon bơngai ala teh âu băt kơ Inh 'mêm kơ 'Bă Inh. Kơlih kơ thoi noh na Inh khŏm pơm kiơ̆ kơ Sư pơkă kơ Inh. “Na dang ei bĕ bơ̆n jah weh đơ̆ng anih âu.”

Yo 14:31 ပူးပေါင်းရင်းမြစ်များ

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Êsai 50:5

Kră Yang Tih Hloh pơih đon inh, inh ưh pă kơchu, kư̆m ưh kơ đei kơdŭn.

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Mathiơ 26:46

Iung bĕ, bơ̆n jah năm tơ lu sư; iĕm lăng to bơngai mă plơ̆ plĕch Inh wă jê̆ truh boih.”

Luka 12:50

Inh gô đei tơdrong lôch pơmat, na jơhngơ̆m Inh ưh kơ hiôk tơ̆p hloh kơ năr Inh 'nei 'mơ̆i na Inh hiôk.

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 12:49

Yua kơ ưh kơ sĭ Inh bơtho tơdrong Inh kơdih ôh. 'Bă Inh mă wơh Inh, Sư pơkă kơ Inh bơtho thoi yơ, na Inh bơtho thoi noh mơ̆n.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 15:9

Inh 'mêm kơ iĕm kư̆m thoi 'Bă Inh 'mêm kơ Inh mơ̆n. Iĕm 'nĕ kơ achăng Inh hŏ na Inh gô 'mêm kơ iĕm, wei-lăng iĕm ling-lang.

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Philip 2:8

Akâu akar Sư lei-lăi thoi kon bơngai, păng Sư iŏk đon ala, chu 'Bok Kei-Dei ling-lang truh tơ Sư lôch, mă lôch pơmat tơ 'long pơglang tăm.