Yo 14:28 - Sơ̆p Hlabơar Nơ̆r 'Bok Kei-Dei

²⁸ Iĕm kơtơ̆ng Inh khan kơ iĕm, khan Inh gô jăk đơ̆ng iĕm păng gô wih dơ̆ng tơ iĕm. Dah iĕm 'mêm kơ Inh tơpă, lei iĕm kư̆m hiôk chơt tơduă iĕm mơ̆n, yua Inh khan Inh wă tŏk tơ 'Bă Inh păng yua kơ Sư tih hloh kơ Inh.

Yo 14:28 ပူးပေါင်းရင်းမြစ်များ

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Horiso 68:9

Ơ Kră Yang 'Bok Kei-Dei! Ih ăn 'mi jruh lơ tơpă Ih ăn tơmam iung hơdrih. Dah lu sư jô hŏnh boih.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Mathiơ 12:18

“'Bok Kei-Dei khan: ‘Âu boih đam Inh, Inh rơih iŏk Sư, Inh 'mêm kơ Sư tơpă, Inh lăp đon kơ Sư dêh. Inh gô ăn kơ Sư Yang Bơhngol Inh, Wă bơtho tơbăt ăn kơ đĭ-đăng khŭl bơngai gah tơdrong Inh wă sek tơlang ning-mônh.

Yo 10:38

Iĕm kuă kơ lui kơ nơ̆r Inh bơtho, mă-lei iĕm athei lui kơ dôm tơdrong mơsêh mơyang Inh pơm krô hmă noh hŏ, yua kơ đơ̆ng 'Bă Inh tơpă. Dah iĕm lui iĕm gô băt tơpă 'Bă Inh oei lăm Inh, nhi 'Bă Inh minh jơhngơ̆m minh đon.”

Yo 13:16

Inh khan kơ iĕm tơpăt, đĭch ưh kơ lah tih hloh kơ yŏng sư. Bơngai mă đe wơh, ưh kơ lah tih hloh kơ bơngai wơh sư.

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 14:18

“Inh ưh kơ tŭk iĕm thoi kon mơti ôh. Inh gô jur tơ iĕm dơ̆ng.

Yo 16:7

Inh khan kơ iĕm tơpăt, Inh brŏk tơ 'Bă Inh đĕch 'lơ̆ng hloh dang ei. Dah Inh ưh kơ brŏk tơ Sư dang ei lei 'Bok Dŏng Mơnat ưh kơ jur tơ iĕm ôh. Inh jah brŏk na Inh wơh Sư jur tơ iĕm.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 5:18

Kơlih kơ tơdrong noh lu bơngai Juđê chă tơdrong wă kơ gơh rôp pơlôch Sư, yua kơ lu sư khan Yêsu tŭk tơdrong kơ̆m lăm năr pơdơh Sa'bat; păng khan 'Bok Kei-Dei 'Bă Sư, dang wă khan Sư tih atŏ hăm 'Bok Kei-Dei.

Yo 7:33

Na Yêsu khan kơ lu bơngai tơpôl: “Inh oei hơdai iĕm ưh pă đunh boih. Klaih kơ noh Inh wă wih tơ 'Bok mă wơh Inh.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

I Pet 1:8

Đơ̆ng sơ̆ iĕm ưh kơ 'bôh Yêsu Krist thoi yơ, mă iĕm 'mêm kơ Sư tơpă. Dang ei iĕm kư̆m ưh kơ 'bôh Sư mă iĕm kư̆m lui kơ Sư kơjăp, jơhngơ̆m iĕm hiôk ling-lang măng năr.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”