Yo 14:27 - Sơ̆p Hlabơar Nơ̆r 'Bok Kei-Dei

²⁷ “Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 14:27 ပူးပေါင်းရင်းမြစ်များ

II Ho 20:30

Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 11:1

Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem?

Horiso 112:7

Sư ưh kơ hli ôh mă đe roi tơdrong kơnê̆, jơhngơ̆m sư oei hơđơ̆ng, gơnang kơ Kră Yang.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 28:3

'Nĕ kơ lê̆ inh răm hơdai lu bơngai pơm kơnê̆. Păng hăm lu bơngai pơm kư̆ kă. Lu sư pơma hiôk hăm bơngai jê̆ lu sư. Mă-lei lăm jơhngơ̆m hơlĕnh ngăl

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Horiso 56:11

Inh gô gơnang kơ Kră Yang 'Bok Kei-Dei, huay pă hli kơ kiơ; Lu kon bơngai gơh pơm kiơ kơ inh?

Horiso 56:3

Lăm năr hli tơrơ. Inh gô gơnang kơ Ih.

Horiso 72:2

Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Horiso 91:5

Ih pă đei hli boih mă tơdrong hli krưp kơmăng, mă 'brơ̆m păr kơ'năr

Tơdrông Pơđơk 3:25

'Nĕ kơ hli krưp kiơ ôh kơplah tơdrong kơnê̆ blư truh kơ ih, Kŭm 'nĕ kơ hli krưp mơ̆n kơplah ih 'bôh tơdrong kơnê̆ truh pơrăm lu bơngai pơm kơnê̆.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 54:13

Đĭ-đăng kon ih gô đei Kră Yang bơtho tơ'bôh, păng tơdrong hiôk-hian kon hơ'lơ̆p ih gô tih tơpă.

Êsai 55:12

Bĕ lu iĕm gô lĕch năm hiôk chơt păng ba lăm tơdrong hiôk-hian. Kông kơjung păng groi kơđeh gô đei nơ̆r hơri 'bơ̆t anăp lu iĕm. Rim kơ 'long tơ bri brah gô tơtap ti.

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Nhom 3:17

Sư pơm kơ bơhngol inh ataih đơ̆ng tơdrong hiôk-hian, Inh hiơt đĭ boih tơdrong pŭn hiôk.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Da 6:25

Đơ̆ng noh, pơtao Đarius chih tơbăt ăn kơ đĭ-đăng kon pơlei pơla, tơ jơ̆p dêh char, tơ rim adrĕch, rim nơ̆r pơma kơpal teh thoi âu: Hơpơi kơ lu iĕm đei tơdrong pŭn hiôk rai dêh.

Sa 6:13

Sư boih wă man hnam kơkuh kơ Kră Yang; păng sư boih đe gô ư-ang, oei pơgơ̆r tơ anih tang-dŏ pơtao sư păng pơm 'bok soi tơm tơ anih pơtao sư, sư kư̆m pơgơ̆p hiôk-hian kơ 'bar tơdrong noh.’

Jo 6:26

Apinh Kră Yang tơmang lăng iĕm păng ăn tơdrong chơt hiôk kơ iĕm.

Mathiơ 10:26

“Mă-lei iĕm 'nĕ mah hli kơ lu sư ôh, yua kơ dôm tơdrong 'lơ̆ng đe gô băt, dôm tơdrong hrĕp đe gô 'bôh ning-mônh.

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Luka 12:4

“Ơ 'nhŏng oh, iĕm 'nĕ kơ hli kơ đe mă gơh pơlôch akâu iĕm đĕch.

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:21

Thoi noh Yêsu khan kơ lu sư dơ̆ng: “Oei hiôk bĕ lu iĕm. Thoi lĕ kơ đêl 'Bă Inh wơh Inh, 'noh Inh kư̆m wơh iĕm mơ̆n.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Jang 10:36

'Bok Kei-Dei wơh Kon Sư Yêsu bơtho nơ̆r Sư tơ lu bơngai Isơrael. Nơ̆r noh Tơdrong 'Nao 'Lơ̆ng ăn kơ bơ̆n oei hiôk păng 'Bok Kei-Dei, yua kơ Kră Yang Yêsu Krist lôch tang bơ̆n, Sư Yŏng đĭ-đăng bơngai bơ̆n.

Jang 18:9

Minh măng ei Pôl apo 'bôh Kră Yang Yêsu pơma păng sư khan: “Ih 'nĕ kơ hli păng ih 'nĕ kơ tŭk tơdrong jang ih. Ih kư̆ bơtho ling-lang đĕch.

Rom 1:7

Na dang ei inh chih kơthơ ăn kơ iĕm bơngai Rôm mă 'Bok Kei-Dei 'mêm kơeng. Iĕm boih 'Bok Kei-Dei krao wă kơ iĕm jing kon Sư. Inh krao khan apinh Sư 'Bă tơm bơ̆n hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Rom 15:13

Yua kơ bơ̆n gơnang kơ 'Bok Kei-Dei tơpă, na bơ̆n băt chang gô tôm tơdrong 'Bok Kei-Dei wă ăn kơ bơ̆n. Na inh apinh Sư ăn kơ chăl arih iĕm hiôk hơiă, hiôk-hian yua kơ iĕm lui kơ Sư, na Yang Bơhngol 'Lơ̆ng tơgŭm iĕm băt kơ tơdrong chang gô noh.

Rom 5:1

Bơ̆n lui păng gơnang kơ 'Bok Kei-Dei thoi noh, na Sư jô̆ bơ̆n jing 'lơ̆ng tơpăt; yua kơ Kră Yang bơ̆n Yêsu Krist na bơ̆n gơh oei hiôk hăm 'Bok Kei-Dei.

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Rom 8:6

Bơngai bu gơnang kơ akâu sư kơdih, bơngai noh mưh sư lôch năm tơ anih 'Bok Kei-Dei phak. Bơngai bu gơnang kơ Yang Bơhngol 'Lơ̆ng, sư gô arih hiôk-hian ling-lang.

I Kor 1:3

Nhôn apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Galati 1:3

Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Galati 5:22

Mă-lei plei Yang Bơhngol 'Lơ̆ng đei: 'Mêm mơnat, chơt hiôk, hơđơ̆ng, kĕ chơ̆n, gơh tơgŭm, iơ̆m dim, tơnăp,a

Galati 6:16

Inh apinh 'Bok Kei-Dei mơnat ăn kơ dôm lu bơngai lui kiơ̆ tơdrong noh, lu sư boih kon 'Bok Kei-Dei tơpă, lu sư boih đe anăn bơngai Isơrael. Inh apinh 'Bok Kei-Dei ăn kơ lu sư hiôk-hian.

Philip 4:7

Thoi noh na 'Bok Kei-Dei ăn kơ iĕm hiôk huay kơ tơchĕng lơ tơdrong păng huay kơ tơchĕng kơ tơdrong hli, yua kơ iĕm lui gơnang boih kơ Yêsu Krist. Tơ̆ng bơ̆n gơnang kơ đon bơ̆n tơchĕng kơdih đĕch bơ̆n ưh kơ hiôk ôh.

Kôlôsê 1:2

chih hơpong kơ iĕm lu kon 'Bok Kei-Dei tơ Pơlei Kôlôssê, lu iĕm bơngai lui kơjăp minh jơhngơ̆m minh đon hăm Yêsu Krist. Inh krao khan apinh 'Bă tơm bơ̆n 'Bok Kei-Dei wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

Kôlôsê 1:20

'Bok Kei-Dei ăn kơ Sư lôch tuh pham tơ 'long pơglang wă kơ tôm tơdrong tơ ala teh, tôm tơdrong tơ kơpal plĕnh hiôk hơiă hăm 'Bok Kei-Dei.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

II Tes 1:2

Nhôn krao khan apinh 'Bă bơ̆n 'Bok Kei-Dei hăm Kră Yang bơ̆n Yêsu Krist tơgŭm iĕm lăm tôm tơdrong wă kơ Sư ăn kơ iĕm hiôk-hian.

II Tes 3:16

Kră Yang Yêsu Krist boih ăn kơ bơ̆n hiôk-hian. Nhôn krao khan apinh Sư ăn kơ iĕm hiôk-hian ling-lang lăm tôm tơdrong păng nhôn apinh Sư oei hơdai rim 'nu kơ lu iĕm.

II Tim 1:7

'Bok Kei-Dei ăn kơ bơ̆n Yang Bơhngol 'Lơ̆ng Sư. Na Yang Bơhngol 'Lơ̆ng ưh kơ wă ăn kơ bơ̆n jơhngơ̆m lêl ôh, Sư ăn kơ bơ̆n jơhngơ̆m nuih kơtang. Sư ăn kơ bơ̆n gơh 'mêm kơ 'Bok Kei-Dei păng bôl buăl bơ̆n mơ̆n păng ăn kơ bơ̆n jơhngơ̆m chơ̆n tơpă.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 7:2

Abraham iŏk dôm tơmam sư minh lơ̆m mơjĭt asong kơ Mêlkisêdek. Anăn Mêlkisêdek wă khan 'bok pơtao 'lơ̆ng tơpăt. Pơtao đe Salem, Salem wă khan hiôk-hian, sư 'bok pơtao pơgơ̆r tơdrong hiôk-hian.

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Tơdrông Tơ'bôh 2:10

Iĕm 'nĕ hli mă tơdrong wă truh kơ iĕm kơnh pơgê, yua kơ yang kơnê̆ wă tah lu iĕm mơ'nah tơ lăm hnam phak, wă pơlong lăng tơdrong lui iĕm. Iĕm oei tơ lăm hnam phak dang mơjĭt năr đe đei pơm kơ iĕm pơmat-tat dêh, mă-lei apinh iĕm adrin bĕ truh lôch, đơ̆ng noh na Inh gô tơ'băk kơ iĕm agăl pơkao tơdrong arih ling-lang.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”