Yo 14:24 - Sơ̆p Hlabơar Nơ̆r 'Bok Kei-Dei

²⁴ Bơngai bu ưh kơ 'mêm kơ Inh, bơngai 'noh ưh kơ răk nơ̆r Inh. Dôm nơ̆r iĕm kơtơ̆ng Inh bơtho ưh kơ sĭ lĕch đơ̆ng Inh kơdih ôh, mă-lei lĕch đơ̆ng 'Bă Inh mă wơh Inh.

Yo 14:24 ပူးပေါင်းရင်းမြစ်များ

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Yo 14:10

Ih ưh kơ lui ôh hă 'Bă Inh oei lăm Inh, nhi 'Bă Inh minh jơhngơ̆m minh đon? Dôm nơ̆r Inh pơma bơtho ăn kơ iĕm ưh kơ sĭ lĕch đơ̆ng Inh kơdih ôh. Dôm tơdrong mơsêh mơyang Inh pơm ăn kơ lu iĕm 'noh lĕch đơ̆ng 'Bă Inh mă oei lăm Inh tơpă.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 14:25

“Kơplah Inh oei păng iĕm dang ei, Inh athei roi ăn kơ iĕm tôm tơdrong 'noh.

Yo 3:11

Inh khan kơ ih tơpăt: Nhôn bơtho iĕm tơdrong nhôn; nhôn 'bôh tơpă boih na nhôn gơh roi ăn kơ iĕm; mă-lei iĕm ưh kơ wă lui dôm tơdrong nhôn bơtho.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Yo 5:19

Yêsu khan kơ lu bơngai Juđê ei: “Inh khan kơ iĕm tơpăt, Inh Kon Sư ưh kơ gơh jang kiơ̆ kơ Inh ôh. Inh athei jang kiơ̆ kơ Sư đĕch. 'Bă Sư jang thoi yơ Kon Sư jang thoi noh mơ̆n.

Yo 5:38

Păng dôm tơdrong Sư pơma iĕm ưh kơ wă iŏk lăm jơhngơ̆m iĕm tăm, yua kơ iĕm ưh kơ lui kơ Inh mă sư wơh.

Yo 7:16

Yêsu khan kơ lu sư: “Tơdrong Inh bơtho âu ưh kơ sĭ lĕch đơ̆ng Inh ôh. Tơdrong âu lĕch đơ̆ng 'Bok Kei-Dei mă wơh Inh.

Yo 7:28

Yêsu băt kơ lu sư pơma thoi noh na Sư bơtho 'bơ̆r re lăm hnam akŭm 'Bok Kei-Dei tơm: “Lu iĕm khan iĕm băt kơ Inh bơngai đơ̆ng yơ. Mă tơpă ưh kơ sĭ Inh bơngai đơ̆ng noh ôh. Ưh kơ sĭ Inh truh tơ iĕm yua kơ akâu Inh wă kơdih ôh. 'Bok Kei-Dei wơh Inh tơpă. Mă-lei iĕm ưh kơ băt kơ Sư.

Yo 8:26

Inh oei đei lơ tơdrong wă pơma păng iĕm mơ̆n gah tơdrong wă sek tơlang iĕm. 'Bok mă wơh Inh Sư pơma ling-lang tơpăt na Inh kơtơ̆ng Sư pơma thoi yơ, Inh bơtho đe kư̆m thoi noh mơ̆n.”

Yo 8:28

Kơlih kơ lu sư ưh kơ hlôh thoi noh na Yêsu wih roi dơ̆ng kơ lu sư: “Lăp đang kơ iĕm pơ̆ng pơlôch Inh Kon Bơngai ning-mônh, 'bơ̆t ei boih iĕm băt kơ Inh Kon Sư. Păng iĕm gô băt kơ Inh ưh kơ pơm kiơ̆ thoi Inh tơchĕng kơdih. Inh kơtơ̆ng Sư pơma thoi yơ, na Inh bơtho đe kư̆m thoi noh mơ̆n.

Yo 8:38

Inh roi kơ iĕm tơdrong mă Inh 'bôh kơplah Inh oei hơdai păng 'Bă Inh. Na iĕm pơm kiơ̆ iĕm kơtơ̆ng đơ̆ng 'bă iĕm.”

Yo 8:42

Yêsu khan kơ lu sư: “Ưh ôh. Dah 'Bok Kei-Dei 'Bă iĕm tơpă lei iĕm kư̆m 'mêm kơ Inh mơ̆n, yua kơ Inh jur đơ̆ng 'Bok Kei-Dei. Inh năm bơtho iĕm ưh kơ sĭ Inh 'maih kơdih đĕch ôh. Inh jur tơ âu yua kơ Sư wơh Inh.