Yo 13:14 - Sơ̆p Hlabơar Nơ̆r 'Bok Kei-Dei

¹⁴ Inh 'Bok Thây iĕm păng Yŏng iĕm, mă-lei Inh ôp jơ̆ng iĕm dang Inh pơm đĭch iĕm đĕch, mă iĕm athei ôp dih băl jơ̆ng iĕm.

Yo 13:14 ပူးပေါင်းရင်းမြစ်များ

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

Jang 20:35

Thoi noh lăm tôm tơdrong inh tơ'bôh kơ iĕm bơ̆n athei jang gleh 'mơ̆i na gơh đei tơmam 'me rong akâu kơdih hăm athei đei đon tơdŏng mơnat kơ lu bơngai dơnuh hoh. Bơ̆n 'nĕ hiơt mă âu nơ̆r Kră Yang Yêsu khan pơkă kơ bơ̆n hơdrol sơ̆ thoi âu: ‘Tơdah đe tơgŭm bơ̆n, jơhngơ̆m bơ̆n kư̆m hiôk mơ̆n; dah bơ̆n tơgŭm đe, jơhngơ̆m bơ̆n hiôk hloh loi.’ ”

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

I Kor 8:13

Dah inh sa tơmam đe sơmah kơ yang, na 'nhŏng oh bơ̆n hơdai sa kiơ̆ inh, lei tơdrong yoch noh yua kơ inh, na ning-mônh inh ưh pă layơ wă sa dôm tơmam đe sơmah kơ yang dơ̆ng boih.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

I Pet 4:1

Yêsu Krist iŏk kơdih tơdrong pơmat-tat yua kơ bơ̆n, na bơ̆n kư̆m chu iŏk tơdrong pơmat thoi Sư mơ̆n. Bơngai bu chu iŏk tơdrong pơmat, bơngai noh ưh pă pơm yoch boih.

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.