Yo 12:39 - Sơ̆p Hlabơar Nơ̆r 'Bok Kei-Dei

³⁹ Lu sư ưh kơ lui kơlih kơ Êsai đei khan lê̆ thoi âu:

Yo 12:39 ပူးပေါင်းရင်းမြစ်များ

Yo 10:38

Iĕm kuă kơ lui kơ nơ̆r Inh bơtho, mă-lei iĕm athei lui kơ dôm tơdrong mơsêh mơyang Inh pơm krô hmă noh hŏ, yua kơ đơ̆ng 'Bă Inh tơpă. Dah iĕm lui iĕm gô băt tơpă 'Bă Inh oei lăm Inh, nhi 'Bă Inh minh jơhngơ̆m minh đon.”

Yo 12:38

'Noh 'blep trŏ tơpă thoi Êsai chih khan lê̆ hơdrol sơ̆ thoi âu: “Ơ Kră Yang, đe ưh kơ lui kơ tơdrong nhôn bơtho; păng đe ưh kơ lui kơ mơsêh mơyang đơ̆ng ti Ih pơm.”

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Yo 6:44

'Bă Inh athei Inh truh tơ âu, na ưh kơ đei bu truh tơ Inh ôh, dah 'Bă Inh ưh kơ ăn lu sư truh. Bơngai bu mă 'Bă Inh ăn truh tơ Inh, lu bơngai 'noh đĕch truh tơ Inh, na Inh gô tơiung arih lu sư năr tôch ning-mônh.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.