Yo 12:25 - Sơ̆p Hlabơar Nơ̆r 'Bok Kei-Dei

²⁵ Bơngai bu 'mêm kơ akâu sư kơdih, akâu sư 'noh gô hiong. Mă-lei bơngai bu ưh kơ 'mêm kơ akâu sư kơdih ala teh âu, sư 'noh gô arih ling-lang hơdai păng 'Bok Kei-Dei.

Yo 12:25 ပူးပေါင်းရင်းမြစ်များ

Bôk Bơthô 2:17

Lei, inh đĭ areh kơ chăl arih inh, yua kơ dôm tơdrong truh tơ ala teh âu pơm kơ inh pơmat, đĭ-đăng tơdrong ưh kơ đei ưh kơ yua kiơ, thoi gô mơ̆ng kơ kial bơbơ̆t tơ yơ kiơ̆ tơ noh.

Mathiơ 10:39

Bu ưh kơ chu lôch yua kơ tơdrong Inh, bơngai 'noh lôch hoh hoh đĕch, ưh kơ yua kiơ ôh. Bu chu lôch yua kơ tơdrong Inh, bơngai 'noh gô arih ling-lang.

Mathiơ 16:25

Bơngai bu ưh kơ chu lôch yua kơ tơdrong Inh, bơngai noh gô lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh, sư 'noh gô arih ling-lang.

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Markôs 8:35

Bơngai bu ưh kơ chu lôch yua kơ tơdrong Inh, bơngai noh gô lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh păng tơdrong 'nao 'lơ̆ng, sư 'noh gô arih ling-lang.

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.

Luka 17:33

Bơngai bu ưh kơ chu lôch yua kơ tơdrong Inh, bơngai noh lôch hoh hoh đĕch. Bơngai bu chu lôch yua kơ tơdrong Inh, sư 'noh gô arih ling-lang.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Tơdrông Tơ'bôh 12:11

Mă-lei jei lu buăl bơ̆n, yua kơ lu sư gơnang kơ Kon Triu 'Bok Kei-Dei lôch tuh pham tang lu sư, păng lu sư adrin ră roi tơdrong Kon Triu. Lu sư ưh kơ 'mêm kơ akâu ôh, lôch bưh arih bưh.