Yo 12:23 - Sơ̆p Hlabơar Nơ̆r 'Bok Kei-Dei

²³ Na Yêsu pơma hloi gah tơdrong Sư wă lôch iung arih thoi âu: “Dang ei trŏ năr 'Bok Kei-Dei wă pơư pơang Inh Kon Bơngai tơpă boih.

Yo 12:23 ပူးပေါင်းရင်းမြစ်များ

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 26:45

Krao khan đang boih Sư wih dơ̆ng tơ lu bơngai pơhrăm păng Sư na khan: “Iĕm tep pơdơh 'biơ̆ hă? Dang ei truh jơ đe wă rôp Inh Kon Bơngai jao kơ lu bơngai yoch boih.

Markôs 14:35

Yêsu năm ataih 'biơ̆ đơ̆ng lu pêng 'nu noh, na Sư 'nap kŭp kơ̆l krao khan apinh 'Bă Sư, dah gơh, ăn Sư klaih đơ̆ng tơdrong noh.

Markôs 14:41

Lăp Yêsu wih đơ̆ng krao khan 'măng mă pêng Sư khan kơ lu đe noh: “Iĕm oei tep pơdơh 'biơ̆ hă? Thôi, dang ei truh jơ đe wă rôp Inh Kon Bơngai jao kơ lu bơngai yoch boih.

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.