Yo 12:15 - Sơ̆p Hlabơar Nơ̆r 'Bok Kei-Dei

¹⁵ “Ơ kon pơlei pơla Jêrusalem, iĕm 'nĕ kơ hli, yua kơ Pơtao iĕm wă mơ̆t tơ pơlei iĕm, Sư hao minh pôm aseh iĕ dăm.”

Yo 12:15 ပူးပေါင်းရင်းမြစ်များ

II Sam 15:1

Đơ̆ng rŏng kơ noh Apsalôm chă lê̆ gre aseh hăm pơđăm-jĭt 'nu linh kơdâu adrol kơ gre aseh.

II Sam 16:2

Pơtao jet Siba: “Ih wă pơm kiơ kơ tơmam noh?” Siba khan: “'Bar tŏ aseh iĕ noh yua ăn kơ bơngai lăm hnam pơtao hao, 'bĕng păng plei hơmu noh yua pơm tơmam sa ăn kơ khŭl linh, na sik hơmu noh wă yua ăn kơ lu bơngai brŏk đơ̆ng char glă gleh lap huch.”

I Pot 1:33

Pơtao khan kơ lu sư: “Chông ba lu đĭch đam inh mă yŏng tơ'ngla iĕm, hơdai hăm iĕm na iĕm hiŏng atŏk Sôlômôn kon drŏ-nglo inh kơpal aseh dăm inh, ba sư truh tơ pơlei Gihôn;

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 62:11

'Nâu, Kră Yang roi tơbăt bơih. Truh tơ jơ̆p-jang lăm teh đak. “Roi tơbăt bĕ kơ kon adruh pơlei Siôn. “Âu Tơ'ngla dŏng pơklaih ih truh bơih. To lu bơngai mă Kră Yang dŏng pơklaih gô năm hơdai Sư.”

Mi 4:8

Gah ih ơ hnam Thôt wei triu, ơ kông groi Ôphel, ơ kon drŏ-kăn Siôn, tơdrong pơgơ̆r lu iĕm so sơ̆ wă khan teh đak drŏ-kăn Jêrusalem, gô truh tơ ih.

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

Yo 12:14

Yêsu iŏk minh pôm aseh iĕ dăm na hao hloi aseh iĕ ei. 'Noh trŏ thoi đe chih khan lê̆ hơdrol lăm sơ̆p hla bơar 'Bok Kei-Dei sơ̆ thoi âu:

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Lu 12:14

Sư đei puăn-jĭt 'nu kon drŏ-nglo păng pêng-jĭt 'nu sâu drŏ-nglo mơ̆n; lu sư hao tơpơh-jĭt tŏ aseh iĕ. Sư pơm 'bok sek tơlang lăm Isơrael tơhngam sơnăm.

Lu 5:10

Ơ lu bơngai hao aseh iĕ kok, Ơ lu bơngai hơ-oei an 'lơ̆ng kơpal kơdŭ aseh, Lu bơngai tơmoi yak rok trong tih, roi bĕ tơdrong noh.