Yo 11:55 - Sơ̆p Hlabơar Nơ̆r 'Bok Kei-Dei

⁵⁵ Hơtai ei Năr Giĕng Năm Brih đe Juđê wă jê̆ truh boih, na lơ bơngai Juđê đơ̆ng pơlei nai năm tơ Pơlei Jêrusalem hơdrol kơ năr giĕng ei. Lu sư năm tơ lu 'bok soi wă pơm rơgoh kơdih tơdrong yoch hơdrol kơ Năr Giĕng Năm Brih ei.

Yo 11:55 ပူးပေါင်းရင်းမြစ်များ

Bl 35:2

Jakôp sư roi hloi kơ kon akăn sư hăm lu bơngai năm hơdai sư thoi âu: Hŭt lê̆ bĕ dôm lu rup man pơm yang đơ̆ng lu dêh tơmoi, na hum 'nhao wă kơ bơ̆n rơgoh 'lơ̆ng păng tơplih bĕ hơbĕn ao iĕm.

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Horiso 26:6

Ơ Kră Yang, inh gô ôp ti inh Tơ lăm tơdrong rơgoh 'lơ̆ng, Păng yak dăr kơ chơnang soi Ih.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Jo 9:10

Ih athei khan kơ lu bơngai Isơrael: Tơdah đei minh 'nu lăm lu iĕm dah lăm kon sâu lu iĕm pơm mơgrĭ 'mê̆-'mach yua kơ akâu atâu bơngai lôch, dah oei năm tơ ataih, na kư̆m athei 'blŏk hơdơ̆r kơ năr giĕng Năm Brih Kră Yang.

Jo 9:6

Mă-lei đei lu mơ'nah ưh kơ gơh kơ năm năr pơm giĕng Năm Brih yua kơ lu sư hơtŭt 'bơm kơ akâu bơngai lôch, lu sư năm 'bơ̆t anăp Môis hăm Arôn,

Mathiơ 26:1

Yêsu bơtho dôm tơdrong 'noh hei đang boih, na Sư khan kơ lu bơngai pơhrăm păng Sư thoi âu:

Mathiơ 26:2

“Iĕm băt mơ̆n oei pă 'bar năr truh kơ năr đe pơm Giĕng Năm Brih. Na đe wă rôp jao Inh Kon Bơngai ăn kơ đe pơ̆ng pơlôch tơ 'long pơglang.”

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Luka 22:1

Wă jê̆ truh năr giĕng sa 'Bĕng Mi Ưh Kơ Đei 'Buih Pông mă đe kư̆m anăn Giĕng Năm Brih.

Yo 12:1

Tơdrâu năr hơdrol kơ Năr Giĕng Năm Brih ei, na Yêsu năm tơ Pơlei Bethani. Pơlei ei pơlei Lasarơ mă Yêsu tơiung arih sư đơ̆ng lôch.

Yo 13:1

Năr ei minh năr hơdrol kơ Năr Giĕng Năm Brih. Yêsu băt năr Sư wă jăk đơ̆ng ala teh âu tŏk brŏk tơ 'Bă Sư wă jê̆ truh boih. Sư 'mêm tơpă kơ lu bơngai lui kơ Sư, na Sư khŏm ăn akâu Sư lôch tang bơ̆n.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 2:13

Hơtai ei wă jê̆ truh năr đe pơm Giĕng Năm Brih, na Yêsu năm tơ Pơlei Jêrusalem.

Yo 2:6

Lăm hnam ei đei tơdrâu tŏ ge mong đak. Lu bơngai Juđê juăt iŏk đak đơ̆ng ge ei hơrao jơ̆ng ti kiơ̆ kơ tơdrong juăt lu sư. Rim tŏ ge ei gơh mong đak dang pơđăm gŏ 'bei.

Yo 5:1

Klaih kơ noh Yêsu năm hơpong tơ lu bơngai Juđê pơm la-giĕng sŏng sa tih tơ Pơlei Jêrusalem.

Yo 6:4

Hơtai ei wă jê̆ truh năr đe giĕng lu Juđê đe anăn Giĕng Năm Brih.

Jang 21:24

Na ih athei tơgŭm lu sư hŏ păng pơm kiơ̆ tơdrong juăt wă kơ rơgoh thoi lu sư mơ̆n. Păng ih kư̆m athei apah lu sư jên wă răt tơmam pơyơ̆r kơ 'Bok Kei-Dei. Klaih kơ noh ih apah đe yuă kơ lu sư sŏk 'ngôch kiơ̆ thoi tơdrong juăt Môis. Ih pơm thoi noh na đĭ-đăng bơngai băt kơ ih ưh kơ athei lu bơngai Juđê tŭk tơdrong juăt Môis ôh; păng lu sư băt kơ ih kiơ̆ tơdrong juăt Môis mơ̆n.

Jang 21:26

Thoi noh na Pôl chu tơgŭm puăn 'nu bơngai ei. Năr dơning Pôl păng puăn 'nu bơngai ei pơm kiơ̆ tơdrong juăt wă kơ rơgoh. Đơ̆ng noh sư mơ̆t tơ hnam akŭm 'Bok Kei-Dei tơm pơma dơnuh păng đe 'bok soi gah tơdrong giĕng lu sư wă kơtĕch layơ. Gô đang kơ giĕng 'mơ̆i, na 'bok soi wă soi sơmah kơ 'Bok Kei-Dei kơ rim 'nu lu sư.

Jang 24:18

Inh năm tơ hnam akŭm 'Bok Kei-Dei tơm pơm kiơ̆ tơdrong juăt Môis wă kơ rơgoh hăm wă pơyơ̆r ăn kơ Kră Yang tơmam. Hơtai ei đei lu bơngai Juđê đơ̆ng dêh char Asi 'bôh inh lăm ei. Mă-lei ưh kơ đei bơngai lơ hơdai hăm inh ôh, kư̆m ưh kơ đei tơdrong areh dih băl.

I Kor 11:28

Thoi noh boih na rim 'nu bơ̆n athei tơchĕng lăng lăm akâu bơ̆n kơdih 'mơ̆i wă kơ băt bơ̆n gơh huch sa đak păng 'bĕng 'noh dah ưh.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Sam 16:5

Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.