Yo 11:50 - Sơ̆p Hlabơar Nơ̆r 'Bok Kei-Dei

⁵⁰ Minh 'nu bơngai lôch tang lu bơngai Juđê bơ̆n, thoi noh na teh đak bơ̆n huay kơ hiong, thoi noh yơh trŏ. Liơ iĕm ưh kơ hlôh tơdrong 'noh?”

Yo 11:50 ပူးပေါင်းရင်းမြစ်များ

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Yo 11:48

Dah bơ̆n ưh kơ khă Sư lei đĭ-đăng kon pơlei pơla gô lui kơ Sư na pôk Sư pơm tih. Kơlih kơ thoi noh na lu bơngai Rôm gô hil na tŏk tơgar iŏk hnam akŭm tơm bơ̆n păng teh đak bơ̆n đĭ hloi.”

Yo 18:14

Kaiphe âu boih bơngai mă đêl khan kơ lu bơngai Juđê thoi âu: “Minh 'nu bơngai lôch tang lu bơngai Juđê bơ̆n, thoi noh trŏ.”

Yo 19:12

Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”

Rom 3:8

Mă tơdrong pơm kơnê̆ kư̆m lei-lăi. Bơ̆n 'nĕ pă tơchĕng khan trŏ. Na đei lu bơngai mơ'nah khan inh Pôl bơtho đe thoi noh; mă tơpă inh ưh kơ bơtho đe thoi noh ôh. Bơngai bu jô̆ kơ inh bơtho đe thoi noh, bơngai noh 'Bok Kei-Dei phak sư tơpă ning-mônh.