Yo 11:38 - Sơ̆p Hlabơar Nơ̆r 'Bok Kei-Dei

³⁸ Yêsu rai sơ'ngon. Lu sư năm truh tơ bơsat boih. Bơsat ei lăm tơmo hơgơp, tơnglơ̆p sư păng tơmo mơ̆n đơ̆p 'bơ̆t 'măng bơsat.

Yo 11:38 ပူးပေါင်းရင်းမြစ်များ

Bl 23:19

Đơ̆ng rŏng kơ dôm tơdrong noh, Abraham 'bŭ Sara, akăn sư, lăm gơp tơmo lăm mir Makbêla hơlĕch kơ pơlei Mamrê wă khan Hêbrôn, lăm char Kanaan.

Êsai 22:16

Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.

Êsêkiên 21:6

“Ơ kon bơngai, gah ih ôr krao bĕ hăm jơhngơ̆m pơchah; athei ơh sơ'ngon ôr krao 'bơ̆t anăp lu sư.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Mathiơ 27:60

Na sư năm 'măn atâu Yêsu tơ lăm bơsat tơmo mă sư 'nao pơm hiă kơdih. Sư tơgrŏl minh pôm tơnglơ̆p tơmo tih klơ̆p 'măng bơsat, đang boih na sư brŏk.

Mathiơ 27:66

Đơ̆ng noh na lu sư anhăk lu linh ei tơ bơsat. Lu sư pik đak 'blit tơ minh dăng hla bơar pơklep kơ 'măng tơmo, kuă ăn đe mơ̆t; păng dah đe mơ̆t lu sư kư̆m băt hloi. Păng pơkă kơ lu linh gak 'măng bơsat noh mă brĕ. Đang boih na lu sư brŏk.

Markôs 15:46

Yôsep răt minh blah che kok, na tơjur atâu Yêsu đơ̆ng 'long pơglang, lôm atâu Sư păng che ei. Klaih kơ noh sư năm 'măn atâu Yêsu tơ bơsat đe bŏk lăm tơmo thoi lăm hơgơp tơmo hmă. Sư tơgrŏl minh pôm tơnglơ̆p tơmo tih klơ̆p 'măng bơsat.

Markôs 8:12

Na Yêsu tơhôih păng khan: “Kơlih kơ kiơ jơhnơr iĕm ahrei wă apinh pơlong Inh pơm tơdrong mơsêh? Inh khan kơ iĕm tơpă, Inh ưh kơ wă pơm tơdrong mơsêh thoi iĕm apinh noh ôh.”

Luka 24:2

Lu sư 'bôh 'măng tơmo mă klơ̆p bơsat noh tơpơih boih.

Yo 11:33

Yêsu 'bôh Mari oei hmoi ơh păng lu bơngai Juđê mă năm hơpong kơ sư kư̆m nhơ̆m hmoi mơ̆n na Yêsu sơ'ngon tơpă.

Yo 20:1

Tơ pơgê hrôih năr mă mônh lăm giĕng, oei măng mu, Mari Pơlei Mađơla năm tơ bơsat Yêsu. Truh tơ bơsat sư 'bôh tơmo tơgrŏl lê̆ boih đơ̆ng 'măng bơsat.