35 Na Yêsu kư̆m nhơ̆m hmoi mơ̆n.
Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.
Inh ưh kơ đei nhơ̆m kơ bơngai tơ'bơ̆p tơdrong pơmat-tat hă? Jơhngơ̆m inh ưh kơ đei sơ'ngon kơ bơngai răm-'băm hă?
Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.
Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.
Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.
Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.
Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.
Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!
Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.
Đang tơdrong noh na Yêsu pơma pơtih gia dơ̆ng kơ lu bơngai mă mơ̆ng Sư kiơ̆ ei. Sư oei tơ Pơlei Jêrikô wă jê̆ truh tơ Pơlei Jêrusalem boih. Lu bơngai ei ngêh kơ 'Bok Kei-Dei wă ăn Yêsu pơm 'bok Pơtao pơgơ̆r tơ ala teh âu kơplah noh hloi.
Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.
Yêsu 'bôh Mari oei hmoi ơh păng lu bơngai Juđê mă năm hơpong kơ sư kư̆m nhơ̆m hmoi mơ̆n na Yêsu sơ'ngon tơpă.
Na Yêsu jet: “Iĕm 'bŭ sư tơ yơ?” Lu sư khan: “Ơ 'Bok, bĕ bơ̆n năm lăng.”
Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.
