Yo 11:33 - Sơ̆p Hlabơar Nơ̆r 'Bok Kei-Dei

³³ Yêsu 'bôh Mari oei hmoi ơh păng lu bơngai Juđê mă năm hơpong kơ sư kư̆m nhơ̆m hmoi mơ̆n na Yêsu sơ'ngon tơpă.

Yo 11:33 ပူးပေါင်းရင်းမြစ်များ

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Yo 11:19

Na đei lơ bơngai Juđê đơ̆ng Pơlei Jêrusalem năm ngôi hơpong tơ bre Mathê păng Mari wă kơ bre sư huay sơ'ngon kơ 'nhŏng bre sư lôch.

Yo 11:31

Lu bơngai Juđê mă năm hơpong kơ bre Mathê, lu sư oei lăm hnam ei mơ̆n. Lăp lu sư 'bôh Mari iung năm tơkan tơ Yêsu, lu sư iung kiơ̆ hloi. Lu sư ngêh kơ Mari năm nhơ̆m tơ bơsat.

Yo 11:34

Na Yêsu jet: “Iĕm 'bŭ sư tơ yơ?” Lu sư khan: “Ơ 'Bok, bĕ bơ̆n năm lăng.”

Yo 11:35

Na Yêsu kư̆m nhơ̆m hmoi mơ̆n.

Yo 11:38

Yêsu rai sơ'ngon. Lu sư năm truh tơ bơsat boih. Bơsat ei lăm tơmo hơgơp, tơnglơ̆p sư păng tơmo mơ̆n đơ̆p 'bơ̆t 'măng bơsat.

Yo 12:27

“Dang ei jơhngơ̆m Inh sơ'ngon 'biơ̆, na Inh wă pơma lơliơ? Dah Inh khan: ‘Ơ 'Bă, apinh Ih 'nĕ ăn tơdrong anat anot âu truh tơ Inh,’ lei ưh kơ trŏ ôh, kơlih kơ 'Bă Inh 'Bok Kei-Dei wơh Inh jur tơ teh âu wă kơ Inh pŭ tơdrong anat anot âu boih.

Yo 13:21

Đơ̆ng rŏng kơ Yêsu roi tơdrong 'noh Sư sơ'ngon tơpă na Sư pơma hơdah hloi gah tơdrong 'noh. Sư khan: “Inh khan kơ iĕm tơpăt, đei minh 'nu lăm lu iĕm wă plơ̆ plĕch kơ Inh.”

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.